外傭打工30年 湊大3兄妹 新娘結婚邀請工人姐姐做姊妹：我哋係一家人
很多人說請到好姐姐「難過中六合彩」。有網民在社交平台分享，指工人姐姐在其家中工作逾30年，湊大了3兄妹，一直擔當管家角色，關係如朋友般。近日事主結婚，決定邀請工人姐姐做其中一位姊妹，直言：「呢一份情，係一世」。新娘接受《有線生活》訪問時，透露了更多與工人姐姐生活的點滴，一起看看她們如何親如家人。
工人姐姐係好朋友
一名女網民Nicole在Facebook群組「表揚好姐姐開心分享區」中發帖，表示其工人姐姐來自泰國，自20多歲便在她家工作，至今做了超過30年，湊大了3兄妹。又謂外傭姐姐早已不再是「工人姐姐」，形容對方跟母親情同姊妹，與她則是好朋友。
新娘：呢一份情係一世
而在她結婚當日，更邀請了工人姐姐擔當其中一名姊妹。Nicole指，一來視對方為好朋友，二來亦希望能讓姐姐有機會扮靚化妝、著靚裙。Nicole又不禁回想，若姐姐沒有在她家服務30多年，可能她已結識另一半和結婚，Nicole感嘆地指：「佢犧牲佢嘅青春，固然係為養佢泰國嘅家人，但同時成就咗我哋一家人，呢一份情，係一世嘅。」
姐姐最初抗拒做姊妹
Nicole接受《有線生活》訪問時表示，工人姐姐Riem最初十分抗拒當姊妹，「佢起初是拒絕的，話唔好玩啦，無人搵咁老嘅做姊妹。又話自己著開T恤同運動服，著長裙好肉酸。」結果在Nicole三番四次邀請下，並替她預約好試裙，姐姐才願意。
首次化妝超開心
Nicole又透露姐姐比較「保守」：「媽咪約埋姐姐一齊去試裙，當日阿Riem覺得好多款式太暴露，跌膊唔鍾意，露肩唔鍾意，顏色太sharp唔鍾意。 」最後在Nicole媽媽幫忙下，姐姐成功挑選到心頭好，選了一件灰色斗篷款式的姊妹裙。
而婚禮當日，亦是姐姐首次化妝打扮，Nicole表示姐姐非常開心，「化妝師幫佢化好妝後，佢即刻Send佢嘅靚相畀泰國嘅親戚睇，好開心。」而姐姐更搞笑地指：「著到咁靚，原來好攰。」
陪伴出嫁感觸落淚
從小湊大Nicole的工人姐姐，如今看著Nicole出嫁，既開心又激動。Nicole又憶述：「婚禮當日佢好緊張，攝影師要影啲姊妹花絮，叫每個姊妹輪流同我講幾句說話，佢咩都諗唔到，淨係喊住重複：好開心，好開心，大個女啦。」相信姐姐對Nicole的愛，並非三言兩語能夠表達。
網民：雙方能遇上是一種福氣
不少網民看完Nicole的分享，都表示非常感動，睇到眼濕濕，又認為雙方能遇上，都十分有福氣。「好羨慕你搵到個好工人」、「睇到姐姐既笑容，加上觸動人心既文字，好難唔眼濕濕」、「這麼好的姐姐，真的要對她如同家人，為妳感恩」、「我成日相信真誠相待」。
推薦閱讀：
堅強媽媽患直腸癌 抗癌8年捱過70次化療 寫遺書給子女：下輩子還要當家人
😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life
