一線搜查｜「軍火佬」霸屋申逆權侵佔 街坊質疑法團主席包庇 盼政府出手介入
《一線搜查》近日報道，灣仔一名八旬獨居婆婆伍女士在2008年4月去世後，其唐樓單位因無人繼承而長期空置。然而，十多年後，一名自稱是伍女士「契仔」、綽號「軍火佬」的男子突然入住，不僅將單位抵押借款500萬元，更申請逆權侵佔。令人震驚的是，大廈法團主席似乎知情，甚至被街坊質疑暗中包庇，引發眾怒。
認已申逆權侵佔 軍火佬否認唔交管理費：係佢哋接收
認已申逆權侵佔 軍火佬否認唔交管理費：係佢哋接收在最新一集《一線搜查》中，攝製隊聯絡上「軍火佬」。他坦承已提交逆權侵佔申請，「逆權侵佔已經入咗紙，就單位佔用權我不作評論，留待法庭判決。至於你話管理費，唔係我唔願意交，係佢哋唔接受我呢個佔用人身份。至於你問地租差餉，我身為佔用人當然會交款。」然而，「軍火佬」拒絕透露與已故伍女士的關係，以及入住單位的具體時間。
對「軍火佬」犯罪紀錄感不安 街坊：嚇到我咩咁
對「軍火佬」犯罪紀錄感不安 街坊：嚇到我咩咁而一眾街坊對「軍火佬」的身份早有耳聞，並對其犯罪紀錄感到不安。大廈業主李女士：「打劫人屋企、又爆人哋啲嘢，嚇到我咩咁，所以我先同街坊、鄰居（講）大家要小心呢個人。」翻查資料，「軍火佬」於2022年被裁定公眾地方擾亂秩序罪成立，被判監一個月。
法官判案時更提到，他在2003年已經有31項定罪，其中17項與爆竊相關。此外，2021年5月有傳媒報道，「軍火佬」涉嫌在半年內多次強姦家中印傭，而警方上門拘捕他的地點，正是伍女士的單位。
斥軍火佬冇交錢 街坊：我哋夾錢資助佢住？
斥軍火佬冇交錢 街坊：我哋夾錢資助佢住？至於「軍火佬」聲稱有繳交差餉卻無法支付管理費，遭到街坊強烈質疑。大廈業主鄧先生怒斥：「據我所知，佢而家係一樣都冇交過任何錢。我寧願間屋冇人住、欠法團錢，都好過而家有人住、久法團錢！因為佢用大廈設施，一樣唔交喎，咁我寧願冇人住喺度好過啦！即係話每個單位嘅業主，資助某人喺度住，唔係呀？講笑咋嘛？咁都得架咩？」
他又說希望透過節目曝光問題，並期望政府能夠介入處理事件，「其實我律師講，政府部門係要插手！」
質疑大廈法團包庇 街坊：處理呢件事遮遮掩掩
質疑大廈法團包庇 街坊：處理呢件事遮遮掩掩早在2020年的業主大會，當時眾業主追問伍女士單位的情況，法團決定交由律師處理。然而，5年過去，至今年2月底仍未有結果。在2月底舉行的特別會議上，有業主再度質問進展，不滿當初律師稱半年內解決，卻拖延至今。鄧先生批評：「你（法團主席）當日話俾佢裝修，係為咗攞返佢欠大廈嘅錢，咁你攞唔到，又不了了之，你唔覺得自己有問題要補救返？」李女士亦指：「我哋覺得好奇怪，我哋有班業主追問，佢（法團主席）就開個會同填個紙，話咩處理緊，總之佢哋法團係非常遮遮掩掩，對於處理呢兩個遺物單位嘅事情。」
法團主席拒回應 警方：依法辦事
除了住宅單位，伍女士還擁有大廈一個地舖。地舖負責人坦言，多年未交租金，因不知應交給誰，但強調自己有支付管理費，甚至曾提出承擔大維修費用，卻被法團主席以「地舖非其名下」為由拒絕。
《一線搜查》多次聯絡法團主席周太，單位雖亮燈卻無人應門，致電時對方更否認身份。警方則回覆指，會因應不同事件作出專業處理，審視各事件是否涉及刑事成分，依法辦事。
