網絡熱話｜元朗街頭驚現「戶外骨場」？　外傭疑組團「秘撈」　擺檔為老翁按摩

【有線新聞】近年外傭「秘撈」屢見不鮮，有網民就發文指，元朗街頭近期湧現一批外傭懷疑擺檔提供腳底按摩服務，引起不少網民關注。

自備毛巾膠凳　疑提供腳底按摩服務

該名網民在社交平台「聘請工人姐姐關注組」Facebook群組上載照片，並在帖文中表示，「無奇不有，啲工人喺街到同啲阿伯按腳之後，又返去煮飯俾你食，真係恐怖」。根據其照片可見，一批疑似外傭聚集在元朗市中心裕景坊前的空地，她們在地上舖滿了紙皮，又自備毛巾、膠凳、露營椅等，疑似為一些老翁提供腳底按摩服務，另有多名老翁坐在附近位置閒聊，場面相當墟冚。

帖文引關注　網民斥烏煙瘴氣

帖文即隨引起不少網民關注，紛紛留言指「咁樣係咪賺取外快？報警拉得！」、「報入境處」、「全部都係証據喎」、「我見到有幾個食環署人員影佢哋，可能睇下有冇收錢，如果有收錢就應該犯法」；亦有網民怒斥「烏煙瘴氣」、「遲下搞到區區都有」，不過亦有人認為「光明正大按摩剪甲飛髮（唔知係咪義務），好過去借財仔啦」、「會唔會煲埋湯水比伯伯飲」。

另外，有網民分享指「有日姐姐（外傭）都問我，話見到有啲姐姐幫人修腳，按腳嗰啲，set嗮價錢，咁樣可以嘅咩？我家姐姐都識按摩，問我如果佢都咁樣做賺下外快得唔得？我話唔可以，應該係犯法的！之後冇再提了」，亦有人稱「我姐姐都識按嘅，曾經喺菲律賓學過，我都驚我姐姐會唔會去做埋呢啲嘢」。

外傭「秘撈」屬違法　最高罰5萬元及監禁2年

據《入境條例》規定，外傭只可為入境事務處處長批准的合約僱主工作。假如外傭為任何其他人士從事未經許可的工作，即違反了對其施加的逗留條件，外傭會受到檢控，並會因違反逗留條件而被遣送離境。一經定罪，最高刑罰為罰款50,000元及監禁兩年。若外傭因此被遣送離境，日後申請來港工作時會受到嚴格審查。

至於僱主可否要求外傭為其按摩，據入境處網站資料顯示，一般來說，由於按摩通常不被視為家務職責，因此外傭沒有合約責任為僱主按摩。然而，外傭幫助僱主的殘障或癱瘓的父母定期運動四肢，作為照顧家庭成員的家務職責，則是容許的。