網絡熱話｜乘客機場搭的士去博覽館爆爭拗　的士司機：我排咗兩個鐘頭

【有線新聞】今日（16日）網上流傳一段短片，一名男乘客在機場乘的士去機場博覽館，疑的士司機不滿排兩小時，卻只能載短途客去博覽館，雙方發生口角。

影片在上車前已開始拍攝，男乘客上車後表示去機場博覽館，的士司機則回應「（去博覽館）有鐵路搭喎」，男乘客即反駁「有的士搭喎呢度」，司機邊開車邊說「喺度排兩個鐘頭」，乘客則反擊「你排了兩個鐘，關我咩事？」的士司機回應：「我話聲你聽啫，梗係唔關你事。」

雙方針鋒相對，對話火藥味漸濃。該乘客說：「你唔鍾意我，可以唔車我㗎！」的士司機即反駁：「有得唔鍾意可以唔車㗎咩？我都係第一次聽喎」，「我車緊你去，唔代表我唔講得嘢喎，我又無講粗口……你可以唔聽喎，你亦可以唔坐喎」。

其後乘客表示落車，的士司機稱「你係咪喺度落？我畀人影相都唔緊要！」乘客則提醒司機「找足錢」，司機回應「我找足畀你」，並伸手找錢，但在乘客未接到找贖時，就將餘錢扔在車上，司機說：「唔好意思，跌咗（錢）呀，執錢吖唔該。」

期間一輛警車駛至了解情況，的士司機則說跌了錢。男乘客之後接過司機的找贖，並指跌在地上的3元是留給對方「執藥」，而影片在乘客落車後結束。

網民對事件議論紛紛，有網民質疑男乘客，「的士佬俾說話你聽一件事，點解一開始就拍片？」、「個客態度極差，明玩嘢喎」、「片主撩交嗌」。不過亦有網民批評的士司機態度，「排站就預咗有風險，覺得唔舒服就唔好再做，做就唔好怨」、「又唔係出咗去無得俾你優先攞客，使咩咁呢？做得咁唔開心咪做啦！」