車CAM直擊｜元朗「少年」無戴頭盔駕駛綿羊仔 載同伴衝紅燈惹議
【有線新聞】社交平台流傳兩段車Cam片段，片中一名疑為未成年的少年，無戴頭盔、著拖鞋駕駛一輛無車牌的「綿羊仔」電單車，車上載著另一名同樣無戴頭盔、年齡相若的同伴。片中「綿羊仔」攝車罅行駛，又衝紅燈，行徑相當危險。
其中在日間拍攝的車Cam片，拍攝時間為昨日（5日）下午約5時半，地點為青山公路元朗段近友愛護老院對出馬路，該少年駕駛「綿羊仔」兩次攝車罅前行，之後更衝紅燈左轉離開。
另一段車Cam片拍攝時間為昨晚約8時半，片中見到同一少年駕駛電單車由元朗教育路駛入仁樂坊。
片段引起網民關注，批評做法十分危險，「上星期合益街市對出馬路都見過佢兩個」、「最慘有事發生，都係入司機數」。另外有網民估計，少年駕駛的是電動綿羊仔。
