政經CHAT｜議員「曬馬」回應23條　林健鋒叫張宇人「嚴肅啲」

立法會正全速推動基本法23條立法，希望可「早得一日得一日」。今早大會完成首、二讀後，立法會主席梁君彥率全體議員「曬馬」見記者，在等候梁君彥埋位期間，站在前排近「咪兜」的經民聯林健鋒和自由黨張宇人發生一段小插曲。

或許當時張宇人神態較輕鬆，林健鋒就提醒「你嚴肅啲得唔得啫？」可能因環境嘈雜，張宇人聽不清楚，趨前問林健鋒「咩話？」，林再講多次「你嚴肅啲得唔得啫？」，張宇人顯得一頭霧水「咩呀？你講緊乜呀？」，林健鋒無奈只好結束對話「無嘢嘞」。