#一線搜查
- Digital Tech
- 2022年08月08日
一線搜查｜新界祖堂地突被建堆肥設施 接規劃署清拆信 才驚悉被佔用
政府計劃發展「北部都會區」，令新界「祖堂地」再受關注。免費電視77台節目《一線搜查》報道，負責管理一幅新界「祖堂地」的一位「準司理」，最近收到規劃署的清拆指令，才知悉該幅土地「被建」堆肥設施，即睇事件經過。 接規劃署信才知被佔用土地 林德興祖準司理林文浩向《一線搜查》表示，早前收到規劃署信件，指其祖堂地上有違例建築，要求立刻還原，如不盡快處理，首次定罪可罰款50萬元，另再加每日罰款5萬元。林文浩因此才到該幅土地查看，發現多了3座大型堆肥設施及2座小玻璃屋溫室。為何被佔地動工卻毫不知情？林文浩解釋：「我哋本身唔係住喺入面，問題就喺呢度，我哋唔會吓吓盯住入面情況。」 其中一位準司理租出土地 林文浩接觸該堆肥設施負責公司，得知該公司原來是與其中一位準司理簽定租約，他說：「我哋有三位準司理，嗰位準司理就同佢（堆肥設施公司）私底下簽咗份協議……我哋係準司理，其實未擔正架喎……我哋冇呢個權利喎 （處理租務）。」至於該堆肥設施的負責人林東亮則回應《一線搜查》採訪隊，「佢哋內部問題唔關我事，你叫佢哋司理同你一齊嚟同我對質。」 不過，就在採訪隊跟進期間，該堆肥設施已進行還原工程。
- Digital Tech
- 2022年08月05日
一線搜查｜深水埗建材店長霸馬路擺貨 街坊呻投訴無門：警署話冇人手
深水埗基隆街一帶，有少店舖都長期霸佔路面，其中一間建材店最離譜，有街坊向免費電視77台節目《一線搜查》表示，該店霸佔路面已有10年以上，而且霸佔面積越來越大，約30米長，但警方懶理，街坊投訴無門。 街坊：奈佢唔何 投訴人陳先生向《一線搜查》表示，搬到該區三年來，該店一直霸佔路面，有街坊跟他說情況已持續10年或以上，「佢好熟呢個法例嘅，佢唔會擺喺行人路，佢擺馬路，因為行人路係食環管轄，佢擺馬路，警察唔做嘢」。陳先生慨嘆：「奈佢唔何。」 警署話冇人手 該間建材店霸佔路面長約30米，陳先生說：「係用嚟擺佢啲磚、砂石、紅毛泥（水泥），夜晚照擺喺度通宵過夜，因為啲嘢唔值錢，所以基本上佢唔會驚有人攞。」店舖方便自己，卻苦了街坊，不少街坊都指此舉阻街，但卻不見大人執法。陳先生表示：「我打落去旺角警署投訴，佢話我哋冇咁多人手去做，而且沒有即時影響交通，所以佢哋唔會去處理。」事實上，2016年起，食環署及警方都可以向阻街店舖發出1,500元定額罰款通知書。 店舖阻街可罰1,500元 陳先生表示， 曾經試過晚上有警鐘誤鳴，但因該店貨物阻塞，令前來的消防車要停在隔離街。他又指，現時該處有一段路面進行工程，加
- Digital Tech
- 2022年08月04日
一線搜查｜荃灣海濱臭足20年未解決 居民：係公廁屎水味 馬鞍山成臭味新災區？
荃灣海濱臭味困擾居民已經超過20年，但問題至今未解決，免費電視77台節目《一線搜查》訪問居民，有人表示：「我諗成個荃灣人都知，都係一啲好難聞嘅氣味，所以有啲都搬走咗啦！」究竟臭味從何而來？另外，最近馬鞍山居民都表示聞到陣陣臭味，源頭又是甚麼？ 荃灣街坊：「係屎水味」 《一線搜查》採訪隊訪問了多位荃灣街坊，有人形容「行過已經聞到一陣臭味」。家住高層露台單位的Ison形容：「嗰個惡臭味就係啲屎水味，真係一啲好似你去咗啲公廁，有人冇沖廁嗰陣屎水味。」Ison的單位對住海傍兩個渠口，他表示經常會有泥黃色液體流出，近期嚴重到污染大片海域。為了化解臭味，他會開風扇和空氣清新機，如仍未無法解決，但關窗開冷氣。 惡臭全因駁錯渠 荃灣海濱惡臭超過20年，臭味主因是駁錯渠，令污水流出海傍。黃先生住在荃灣海濱花園33年，現時是「荃灣沿海屋苑法團/業委會聯會副主席」，一直有跟進臭味問題。他指海傍不時流出污水，「有時候五顏六色，試過有啲影過一大片黑色」。環保署於屋苑天台設置鏡頭監測海面污水狀況，但黃先生說：「影就影咗排污，但冇即時做嘢。」 環保署：最快2023年改善 事實上，申訴專員公署前年曾點名批評環保署與屋
- Digital Tech
- 2022年08月03日
一線搜查｜直擊北角大膽阿伯爬出16樓簷篷放雜物 街坊：跌落嚟危害途人
免費電視77台節目《一線搜查》最近收到北角一位街坊報料，指對面樓的一個住宅單位，有一位阿伯經常爬出窗外，把大型雜物搬到無遮無掩的露天簷篷，不單擔心阿伯安危，更擔心雜物飛墮地面釀成悲劇。《一線搜查》採訪隊上門向伯伯求證，結果令人意外。 住16樓無安全措施下爬出窗 北角春秧街既有街市又有露天市集，是街坊購物、買餸集中地，人流暢旺，如果有人高空擲物，隨時造成人命傷亡。街坊黃太正因為有此擔心，主動向《一線搜查》報料，據她表示，對面住16樓高的伯伯，早於1至2兩年前起，便不時將大型雜物放置到單位外的露天簷篷，「覺得佢好危險，佢又冇做任何安全措施就咁爬出嚟，好容易會跌落街……下低街市咁多人來來往往」。 自爆天台有僭建屋 《一線搜查》採訪隊到該位大膽阿伯單位採訪，發現上址原來是佛堂。主持梁皓恩問伯伯為何要將雜物放到簷篷外，伯伯則帶採訪隊到天台，原來他還在天台搭建一間簡陋天台屋，內裡放置了大量佛堂用品，如化寶爐、衣紙包、膠櫈、風扇和各式各樣家居雜物。伯伯誤會了採訪隊是為天台屋而來，初時解釋是因為佛堂漏水，要進行工程，才把雜物搬到天台，後來又說因為佛堂地方太少。 伯伯承諾盡快清理 採訪隊陪同伯伯再次回到
- Digital Tech
- 2022年08月02日
一線搜查｜直擊深水埗天台屋頂超酷熱！住戶一個原因不敢開窗、不去避暑中心
7月連日天氣酷熱，打破了天文台多項紀錄，包括單月錄得共25天「熱夜」（即全日最低氣溫高於28度）。極端天氣下，家住舊樓天台屋的低收入戶就更艱苦。免費電視77台節目《一線搜查》採訪隊到深水埗多幢舊樓天台量度溫度，結果溫度高得令人難以置信，有天台屋劏房戶表示，今年明顯較以往熱得多，但都不敢開窗和去避暑中心。 有天台溫度達72.4度 全港約有逾22萬人租住籠屋、板間房和劏房，當中部份人正是在住在天台屋。早前有團體表示，天台屋室內溫度最高可達到攝氏41度。《一線搜查》採訪早前便到深水埗多幢舊樓的天台，用測溫器量度天台表面溫度，結果發現有舊樓天台竟高達72.4度！ 石屎吸熱住戶辛苦 世界綠色組織創辦人兼行政總裁余遠騁博士表示，曾做過鐵皮屋或舊樓屋頂溫度調查，「嗰陣時都係講緊最多40、50度」，知道採訪隊測得逾70度高溫，他也不禁搖頭嘆息。余遠騁解釋，天台受到烈日暴曬，石屎建築會一直吸熱，到晚上將熱力釋出，令住戶由早到晚都要承受高溫之苦。 天台劏房戶：今年特別熱 「前幾年（夏天）我一日都係沖一次涼，依家沖兩三次涼。」住在深水埗劏房18年、73歲秦先生表示，今年明顯較以往炎熱，除了多沖涼，睡覺習慣也
- Digital Tech
- 2022年07月28日
一線搜查｜寶琳茵怡花園有「屎水狂徒」 專挑外賣電單車下手 車手：至少7、8單
免費電視77台《一線搜查》報道，位於將軍澳寶琳港鐵站附近的茵怡花園，最近有「屎水狂徒」出沒，專針對外賣電單車「淋屎水」，有車手透露近期已發生至少7、8宗同類事件。採訪隊在現場拍攝期間，便遇到一位車手中招報警求助，即睇下文！ 屎水狂徒動機不明 採訪隊在茵怡花園訪問了多位車手，他們都異口同聲表示，知道最近該處有人專向外賣電單車淋屎水，有車手表示：「我身邊就有5、6個（中招），有人選擇唔報警走咗，有人就報警，依家都唔知點搞。」有車手懷疑狂徒「睇唔到過眼」電單車「停得耐」，但亦有車手持反對意見：「應該唔會，你見都唔算好多車……同埋我哋唔係長期擺，我哋擺幾分鐘之嘛，同埋都係居民要（外賣），我哋先嚟啫。」 懷疑從高處出手 《一線搜查》採訪隊在茵怡花園現場了解，發現有多處地方仍有糞水痕跡，似乎未被徹底清潔。而狂徒落手的位置估計是行人天橋，從高掉下「屎水彈」，該處附近正是茵怡花園管理處。 中招車手：驚咗去嗰度 有不願上鏡的中招車手表示，曾向茵怡花園管理處職員和保安投訴事件，但對方表示「睇唔到，亦唔知道」。他又稱，現時「個個都驚佢嗰度，盡量唔揸電單車送去嗰邊」。 租客破壞王 除了寶琳茵怡花園有「屎水狂徒
- Digital Tech
- 2022年07月27日
宋熙年孖老公陳智燊做KOL 因撈唔掂轉行？Sarah自爆最想做1件事丨專訪
宋熙年（Sarah）2009年約滿離巢無綫TVB後，與老公陳智燊（Jason）開始經營YouTube頻道《SARAH & JASON》，兩人不時上載煮食、名錶、汽車及美容護膚等片段，至今已有逾16萬粉絲，大受觀眾歡迎，更有傳兩人拍住上做KOL，月入高達60萬。Sarah接受《有線娛樂》訪問，分享做KOL原因，更大爆入行以來，一直有一件事想做，可惜未有機會。 誤打誤撞成為KOL 本來為主持及司儀的Sarah，從電視螢幕，走到網上平台轉型做KOL，開設YouTube頻道，跟大家分享一家三口的生活趣事，到底為何會萌生這個念頭？Sarah憶述：「早幾年YouTube邀請我主持他們一個頒獎禮，當時聽了很多YouTube高層的分享，他們指，將來看電視或娛樂的模式會有很大轉變，以後電視機只會是一個播放的電器。這番話令我想起，原來做電視一段時間，自己與外界的媒體很脫節。」 於是Sarah回家後與Jason分享，「有些香港人會看我們的電視節目或劇集，的確很「入屋」，但年輕一代卻未必會看，他們可能是看新的製作，不如我們都試一試，了解一下如何做。」結果兩人便拿著一部相機，拍一些日常生活的瑣碎片段，逐
- Digital Tech
- 2022年07月27日
一線搜查｜坑口商場熟食街變老鼠樂園？食店：唔只係我哋舖頭嘅問題
免費電視77台《一線搜查》報道，位於將軍澳坑口站附近的一個商場熟食街，有食店被拍到有多隻老鼠同時出沒，拍片市民指已非首次在該處目擊老鼠「搵食」，食店職員則說，不只是該店才有鼠患，即睇下文！ 拍片市民：佢哋又上又落搵食 這個「老鼠樂園」位於將軍澳坑口站附近一個商場內的熟食街，有通道連接旁邊一個街市。拍片居民表示：「我係放工經過見到有老鼠走出嚟，冇晒毛咁樣，我咪好奇企喺度睇下佢，點知佢見到又唔走喎，我咪用相機影張相。」拍片居民續稱，多隻老鼠在熟食店的桌面、飯煲和垃圾桶間穿梭，似乎在覓食。她又表示，因為其中一隻老鼠「甩晒毛」，所以今次才好奇停下拍攝，「平時我見到佢又行我又行，人有人行，老鼠有老鼠行咪算數囉」。 老鼠熟食店、街市兩邊走？ 拍片居民懷疑鼠患與熟食街旁邊街市有關，形容老鼠可能「兩邊走」。《一線搜查》採訪隊到現場實地視察，發現熟食街與街市一條通道相連，而後面便是垃圾收集站，衛生情況成疑。有街坊看過片段後都表示「好驚」、「好恐怖」，有街坊更表示曾經見過老鼠出沒。 有食店放置老鼠籠 《一線搜查》採訪隊發現街市垃圾桶數量不多，地上有食物殘渣和垃圾，不過街市內未見有任何防範蛇蟲鼠蟻措施，反而
- Digital Tech
- 2022年07月26日
一線搜查｜粉嶺皇后山邨、山麗苑如孤島 3萬「開荒」居民出入困難：呢度只係用嚟住
粉嶺最新公屋屋邨皇后山邨及居屋屋苑山麗苑最近陸續入伙，兩個屋苑各有7座，即合共14座，容納約3萬居民。然而，不少居民都表示「出入困難」，交通非常不便利，形容小社區有如「孤島」。《一線搜查》到該區訪問了街坊和區議員，了解實際情況，即睇下文！ 上水買餸、元朗讀書搭車難 有居於皇后山邨社區的居民向《一線搜查》採訪隊表示：「我哋買餸都要去上水，呢度始終街市（售賣貨品）未夠齊。」雖然社區內有街市和商場，但由於貨品種類不齊全，有居民表示消費均在區外。另有家長表示，小朋友在元朗讀書，早上要先搭車出粉嶺市中心，再搭車往上水，再轉車入元朗，非常不便。 消費及交通配套不足 居民9點前要回家 「如果Shopping嘅話就一定唔會留喺呢度囉，呢度淨係住，因為呢度冇乜商場可以俾你行街，最近嘅話要去到聯和墟先有戲院。」有女性居民（上圖）表示，由於商場選擇少，又沒有娛樂設施，所以都會選擇到區外消閒購物，但由於交通不便，因此入住該區以來，都是晚上9時前回家，認為應增設通宵巴士線。 行去粉嶺港鐵站39分鐘 據Google Map手機程式的路線規劃建議，如果要由皇后山邨步行到粉嶺港鐵站，約需39分鐘，因此居民出入基本上都
- Digital Tech
- 2022年07月25日
一線搜查｜直擊元朗村霸農地建大屋 村民向地政投訴無果：好唔公平
鄉郊土地冇王管？有元朗村民向《一線搜查》報料，不滿村內有住戶竟然於農地上興建大宅，由簡陋小屋，變成千呎大屋，更有兩個小花園，即睇下文！ 霸佔私人土地？ 居於元朗楊屋村的謝先生向《一線搜查》表示，於數月前發現村內有一戶人家全屋重建，他形容「本來覺得冇問題」，但發現該戶人家動工面積非常大，所用的磚、英泥、沙等放在避車處，數量也非常多，於是村民便開始好奇，想知對方想如何裝修，結果揭發該戶人疑似霸佔私人土地建屋。 曾向地政處反映 謝先生表示，該處原是簡陋小屋，非常殘舊，戶主全屋裝修並無問題，但不應霸佔更多土地，「以前只係3呎寬小路，而家花園擴建到可以停放2、3架車」。於是他便整理有人疑違規的情況及照片，向地政處投訴，但只獲處方回覆已向該戶人發出警告信，要求戶主糾正，但暫未見有任何具體行動。謝先生表示：「地政都繼續容忍佢哋存在，容忍佢哋做違規嘅事，對於其他唔犯法嘅人係咪好唔公平先？」 戶主母親否認違規 《一線搜查》採訪隊到現場了解，目測該間大宅面積過千呎，包括有兩個小花園，其中一個花園入面放置了一套藤木桌椅和大陽傘，另一個小花園放置至少十張椅。拍攝期間自稱是戶主母親的一名女士主動回應問題，她指該
- Digital Tech
- 2022年07月21日
一線搜查｜全港6個寵物共享公園古怪位 範圍超細、指示不清 狗主：俾保安鬧一餐
全港有115個寵物共享公園，可說是偏佈全港各區，但未未人人都知道，部份寵物共享公園更被指「為做而做」，沒多大實際用途。免費電視77台節目《一線搜查》去當中6個寵物共享公園睇過，即睇下文！ 【1】維多利亞公園 港島維園出名面積大，但寵物共享公園部份只有上圖地圖內的白色位置、當中的黃色通道，才可讓寵物行走。通道地上有藍色線提示是「寵物共享公園範圍」，但入夜後不容易看到。 【2】中山紀念公園 中山紀念公園同樣依靠地上藍色線區分「寵物共享公園範圍」，經常在公園內跑步的梁先生向《一線搜查》表示：「拖啲大狗我可以睇到，但好細隻嗰啲呢，如果唔覺意踩到佢哋，真係慘喇，隻狗會骨折，頭先見到隻狗好瘦，突然走出嚟，真係停唔切，就會踩到佢。」 【3】新蒲崗交匯處休憩公園 新蒲崗交匯處休憩公園範圍細小，而且被馬路包圍，原是行人隧道通道，位置相當吊腳，拍攝期間完全沒有路人經過，寵物主人又是否願意帶寵物到這裡玩呢？ 【4】葵青石貝街公園 葵青這個寵物共享公園你可能行過都未必會注意到，還以為只是一個花槽。附近電單車維修店老闆朱先生表示，細小的寵物共享公園一度有三個狗糞收集箱，令行人道變得狹窄，「其實真係冇乜需要，邊有
- Digital Tech
- 2022年07月20日
一線搜查｜樓上漏水天花剝落 大埔戶主叫苦 一個原因滲水辦11年未解決
樓上單位漏水，是每一個業主惡夢，因為漏水、滲水破壞力驚人，而追查漏水源頭困難，叫樓上「出事」單位盡快維修，更是難上加難！食環署及屋宇署早年聯合成立「滲水投訴調查聯合辦事處」（滲水辦），協助市民跟進漏水投訴。然而，戶主Rainbow即使向滲水辦投訴，問題依然糾纏11年，至今仍未妥善解決，她早前向《一線搜查》求助，即睇下文！ 據免費電視77台節目《一線搜查》報導，Rainbow位於太和寶雅苑的單位，自2011年起便受到樓上漏水影響，至今客廳、浴室、廚房的天花，均有大面積石屎剝落，露出鋼筋，她無奈表示：「跌落個頭度，冇命㗎！」 樓上單位拒認真處理 除了擔心安全，Rainbow日常生活都大受影響，因為天花經掉下細碎的灰塵和石頭，有時又會滴水，「漏水漏到我喺屋企都要戴住頂帽，行過都要小心……成日要緊張！」自2011年漏水問題首次出現，Rainbow已曾向樓上單位及管理處反應，卻不得要領，「佢又話要用刀斬又盛……管理公司搵佢呢，佢都拒絕……成日話唔關佢事，有機會係樓上嘅」。 斷斷續續漏水 滲水辦Close file Rainbow曾不只一次向滲水辦投訴，滲水辦派人到單位利用感應濕度儀器量度濕度，如