移民英國|有機農夫移英種香港菜回饋社區 「唔想俾人話我哋嚟搶福利」|離鄉別井的故事
![移民英國|有機農夫移英種香港菜回饋社區 「唔想俾人話我哋嚟搶福利」|離鄉別井的故事](https://icable-prod.s3.ap-southeast-1.amazonaws.com/wp-content/uploads/2022/10/20161442/%E5%A8%9B%E6%A8%82-OG%E6%AD%A3%E6%96%B9%E5%9C%962.jpg)
有人認為移民要有充份準備,但經營有機農場的阿Wing,則是在往英國的飛機上才下決定,落機後要在英國繼續他的「耕田夢」。《離鄉別井的故事》第10集的故事主角阿Wing,在香港經營有機農場12年的他,原本既能實踐抱負,又有可觀收入,他接受節目主持簡淑兒(Jessica)訪問時透露,自己到上飛機一刻才發覺,原來真的要離開香港,而到了英國後他一直努力融入社區,究竟Wing的心態是如何轉變?即睇下文!
![移英兩年來Wing一直嘗試引進香港蔬菜種植,既希望向當地人推廣,也希望移英港人有菜心食。(HOY TV節目《離鄉別井的故事》截圖)](https://icable-prod.s3.ap-southeast-1.amazonaws.com/wp-content/uploads/2022/10/20152706/%E9%9B%A2%E9%84%89%E5%88%A5%E4%BA%95%E7%9A%84%E6%95%85%E4%BA%8B%E7%AC%AC10%E9%9B%86_%E8%BE%B2%E5%A4%ABWing05-1024x576.jpg)
飛機上決定繼續耕田夢
Wing在香港經營有機農場12年,既有一班支持者和熟客,也有可觀收入。2020年決定移民英國,他表示主要是太太安排,笑說當時曾想過,只要未上飛機,仍然有轉機,而且對於英國環境陌生,因此沒計劃在英國繼續務農,直至登機後才感覺到真的要離開香港。Wing表示,在往英國飛機上收看電視節目,重溫到自己接受訪問的片段,才激發起在英國繼續務農的想法。
【更多移民英國故事】👉棄中學教師職移民英國 港男110萬買500呎樓:香港只買到廁所
![後園變菜田,引來鄰居注目,亦成為Wing與社區的橋樑。(HOY TV節目《離鄉別井的故事》截圖)](https://icable-prod.s3.ap-southeast-1.amazonaws.com/wp-content/uploads/2022/10/20154730/%E9%9B%A2%E9%84%89%E5%88%A5%E4%BA%95%E7%9A%84%E6%95%85%E4%BA%8B%E7%AC%AC10%E9%9B%86_%E8%BE%B2%E5%A4%ABWing04-1024x576.jpg)
憑種植融入社區
「香港人喺世界各地,只要你係認真地、努力地生活,你都可以有個好嘅生活環境。」Wing表示,相信只要認真耕耘,便可得到認同。他和家人落腳在倫敦西南部的小市鎮新莫爾登(New Malden),將後花園化為菜田,一邊種植,一邊努力融入社區。既會將收成帶到市集發售,也向當地議會等政府及民間機構,申請公共地方花圃種菜,用作回饋社區鄰里,以及做義工維護、綠化環境,及舉辦工作坊,「種植出嚟嘅香港菜,我哋分享返俾社區,等佢哋食到我哋香港人嘅作物,例如菜心……」
【看更多移英港人故事】👉 90後女編劇患癌 男友棄高薪陪移民英國養病超感人
![Wing會將收成帶到市集發售,同時推廣香港蔬菜。(HOY TV節目《離鄉別井的故事》截圖)](https://icable-prod.s3.ap-southeast-1.amazonaws.com/wp-content/uploads/2022/10/20155543/%E9%9B%A2%E9%84%89%E5%88%A5%E4%BA%95%E7%9A%84%E6%95%85%E4%BA%8B%E7%AC%AC10%E9%9B%86_%E8%BE%B2%E5%A4%ABWing03-1024x576.jpg)
盼香港人身份獲接納
要重新適應新環境,不少人都覺得很困難和沮喪,Wing就認為是心態問題,他說:「例如你做超市收銀,你覺得『我唔鍾意呢啲嘢』,咁你自然會做得好辛苦,但你覺得超市每日都有唔同嘅人過嚟,俾你接觸到,你覺得『呢個係令到我好快融入社會嘅渠道喎』。」Wing認為轉變心態是適應關鍵,「去到每一個地方,你都可以有新睇法」,而他一直努力融入社區,還有一個原因:
「嚟到英國,我喺度開展新生活,我唔想成為一家嘅負擔,唔想我嚟到呢度係分薄咗大家資源,你香港人嚟到呢邊搶咗我哋嘅工作機會,搶咗我哋嘅福利,我唔想有呢種負面感覺俾大家。」
「所以我過到嚟好積極去希望做吓義工,可以服務大家,亦都好想將香港人一個榜樣做好,令到將來香港人呢個身份喺英國更加被接納,咁如果往後會有其他香港人嚟到,會有好啲或者平坦啲道路可以行。」
對於Wing的努力,新莫爾登居民以及其他在地港人有甚麼評價呢?Wing在訪問中提到家人關係時還感觸落淚,有關Wing的詳細訪問內容,請留意免費電視77台10月21日晚上9時播出的《離鄉別井的故事》,或於節目播出後,到網上重溫👉《離鄉別井的故事》第10集。
免費電視77台《離鄉別井的故事》
播出日期:逢星期一至五
播出時間:晚上9時
(全文完)
推薦閱讀