樓盤傳真
- 樓盤傳真
- 2023年10月15日
樓盤傳真 14/10/2023
樓市寒冬，各界都不看好後市。今晚《樓盤傳真》同大家傾下發展商剎停推盤，一、二手市場停滯不前。萬眾期待的「撤辣」，對第4季以致來年樓市，有何好、壞之處。面對市況不景時，要出貨就要減得夠多，吸引到買家眼球。〈入屋睇樓〉再帶大家參觀藍籌屋苑，沙田第一城的業主三個月之間累減逾16%，希望可以吸引到「上車客」。〈業主新睇驗〉到啟德前跑道區，驗收區內第二個交樓的新盤MIAMI QUAY I，扣分位置不多，力保極佳水平。〈樓傳通識〉繼續研究按揭優惠，今回介紹為環保而設的綠色按揭計劃。
- 樓盤傳真
- 2023年10月08日
樓盤傳真 7/10/2023
今年第4季只係推出一幅官地象徵式「交數」，今晚《樓盤傳真》同大家傾下新供應點算好。又會講下市場點睇今年最後一季樓市表現。新地天榮站YOHO WEST蓄勢待發，分析發展商點部署。〈入屋睇樓〉參觀太古城「則王」放盤，有裝修、有景觀都要劈價賣樓。十大屋苑樓齡開始大，申請按揭時有何事項值得注意？〈業主新睇驗〉去驗收屯門景秀里單幢盤上嵐，手尾做得唔好，拖累全屋分數。新造按揭實際息率至少要4厘，〈樓傳通識〉介紹一些慳息方法。
- 樓盤傳真
- 2023年10月01日
樓盤傳真 30/9/2023
撤辣救市真有效？學者談談如何救市最妥當。久候多時的「首置盤」終於有消息，推出煥然懿居第二期260伙，不過市場紛紛不看好。〈入屋睇樓〉到天水圍Wetland Seasons Park的兩房放盤，鬆綁遇上跌市，進一步打壓屋苑交投。〈業主新睇驗〉驗收空置7年的貨尾單位，雖然有退化問題，但仍能保持初次入伙時的水準。全城討論夜繽紛，從規劃角度探討海濱社區的意義。
- 樓盤傳真
- 2023年09月24日
樓盤傳真 23/9/2023
星期五晚突擊放寬按保，有望刺激市場需求。今集《樓盤傳真》同大家直擊首個受惠新盤凱和山售樓現場。文曜以「蝕本價」推出首批31伙，但業界認為成本價沒有發展商所說的高，分析樓盤開價。多項數據反映出樓市持續受壓，樓價重返2017年水平，發展商劈價買樓，二手業主亦難免遭殃。〈業主新睇驗〉帶大家衝出香港，坐高鐵到約2小時車程的肇慶，參觀「香港城」項目。屋苑周圍加入香港特色元素，建築特色跟唔跟到？
- 樓盤傳真
- 2023年09月19日
樓盤傳真 16/9/2023
各大銀行加息對市場影響有多大。屯門掃管笏新盤凱和山最低入場呎價只需四位數字，分析樓盤有何吸引力？區內交通、配套欠奉，或阻礙準買家入市步伐。〈入屋睇樓〉去到新盤焦點所在的屯門區搵樓，放盤位於西鐵站上蓋的瓏門，鐵路效應能唔能夠令屋苑逆市下站穩陣腳？再睇埋其他鐵路盤嘅表現。〈業主新睇驗〉再去到維港滙驗收第二期，貴價盤在跌市下，還有約400伙貨尾，能否憑交樓質素突圍而出？一入屋就有驚險事發生咗！
- 樓盤傳真
- 2023年09月10日
樓盤傳真 9/9/2023
暴雨過後，新盤延後推出，但就有本港大型銀行突擊加息。今晚《樓盤傳真》同大家傾下當H按升穿4厘水平，為市場帶來的壓力有多大？一場雨，發展商煞停推盤，只得一個豪宅盤推出，同大家睇下豪宅布局如何。帶大家參觀入伙未夠半年的CAINE HILL，在貴價地段開出納米單位，吸引了不少投資者在高位入市，如今回報如何？〈入屋睇樓〉找嚟一房租盤，再同大家分析中上環租賃市況。又會睇下附近一帶規劃係點。〈業主新睇驗〉去到位於火炭站旁邊的星凱‧堤岸，是內房中洲置業進軍香港的首個住宅項目。犯下一個錯誤，令到分數失落最高評級。
- i-Cable
- 2023年09月03日
樓盤傳真 2/9/2023
跌市訊息確立，價、量下試低位，8月各方面數據都唔理想，發展商盡量推出手持項目，希望賣得幾多得幾多。面對疲弱市況，小業主應該點算好？今集搵嚟名家分析。〈入屋睇樓〉去到近期有新供應的日出康城，參觀剛「鬆綁」的SEA TO SKY。業主逆市期間平手離場機會有幾大？亦都會同大家分析當區市況，睇下蝕讓屋苑有咩特點。旺角鬧市地段驗樓，今集〈業主新睇驗〉去到豉油街ONE SOHO。樓盤吸引唔少投資人士進駐，極佳的交樓質素可以方便即刻起租。
- i-Cable
- 2023年08月27日
樓盤傳真 26/8/2023
直擊信置日出康城凱柏峰III賣樓現場，比油塘呎價賣貴1,000元，結果去貨率只有約一半。發展商面對跌勢、加息，買地意欲進一步降低，個別負債率高的發展商更難抗跌。〈入屋睇樓〉到近期焦點油塘區，參觀半新屋苑曦臺海景單位，還會分析油塘「大變天」到底要等多久。減價潮下，二手舊樓可能引起不少人興趣。〈業主新睇驗〉和〈樓傳通識〉講解驗收二手樓重點，買家睇樓應該特別注重幾個隱藏範圍。
- i-Cable
- 2023年08月20日
樓盤傳真 19/8/2023
兩個新盤同期推出，繼上星期大賣的「票王」親海駅II，緊接推出新一期應市；信置旗下日出康城第11期凱柏峰III，以折實均價近1.7萬元推出。新居屋申請數字跌穿20萬，是2014年復建居屋以來最少，競爭最小。〈入屋睇樓〉到葵涌雍雅軒參觀兩房放盤，同一屋苑包括私人住宅及服務式住宅，租務上會否帶來競爭？〈業主新睇驗〉到長沙灣驗收維港滙I，只找到輕微瑕疵。
- i-Cable
- 2023年08月13日
樓盤傳真 12/8/2023
長實油塘親海駅II「曬冷」全部單位，賣樓現場情況非常熱鬧。在跌市下，未推出單位累積至3萬伙，進一步加大市場壓力。還會分析居屋2023「樓王」所在的啟德啟悅苑。〈入屋睇樓〉到2018年同樣被形容為低價推出的觀塘重建項目凱滙。5年過去，正可驗證「水位」有幾多。屋苑二手業主近期即使劈價賣樓，成交量仍在低位徘徊。何文田勝利道近年連環有收購重建，〈業主新睇驗〉驗收最新萬科香港旗下的VAU Residence，一個失誤直接將單位拉低一個評級。
- i-Cable
- 2023年08月06日
樓盤傳真 5/8/2023
長實的第二枚「深水炸彈」，位於油塘東源街的親海駅II，首批均價1.5萬元以下。九龍區新居屋供應重鎮的觀塘前安達臣道石礦場，有甚麼好選擇？〈入屋睇樓〉帶大家衝出香港，到澳門參觀豪宅，建築面積2,803平方呎，樓價低於2,000萬元，呎價4位數。為大家講解在澳門買樓的注意事項。恒地粉嶺ONE INNOVALE第2期由另一個承建商施工，〈業主新睇驗〉查一查交樓成績有何分別。
- i-Cable
- 2023年07月30日
樓盤傳真 29/7/2023
本港迎來今年第二次加息，增加供樓壓力，買家態度更趨保守，一、二手市場成交少，一手私樓的潛在供應仍處於高水平。見市況愈來愈差，有發展商連忙劈價推盤。還會看看居屋2023有何吸引之處，應該如何選樓？大圍新商場「圍方」開幕，吸引唔少人流，帶動附近一帶的租務交投。〈入屋睇樓〉帶大家去到大圍站柏傲莊參觀一個三房租盤，憑交通優勢，近半年租金成績不俗，暫時只有兩個租盤，如果想租新盤，附近還有甚麼選擇？啟德MONACO MARINE交樓，〈業主新睇驗〉今次仍發現到上一期交樓問題，瑕疵重蹈覆轍。