樓盤傳真
- 樓盤傳真
- 2024年01月08日
樓盤傳真 6/1/2024
今晚《樓盤傳真》同大家傾下2024頭炮盤出台，宏安黃大仙的薈鳴以15,326元推出首批50伙，主打中小型單位，最細面積只有178呎。預測新一年樓市走勢，多方認為今年樓價將繼續下試低位，最悲觀更認為會跌多10%。〈入屋睇樓〉去到將軍澳參觀一個多次減價的放盤。業主持貨超過20年，即使減至低市價放售，仍有超過兩倍的賺幅。節目早前收到業主報料，指買入單位後有漏水問題。〈業主新睇驗〉即管帶大家去荔枝角荔灣花園驗收二手樓，詹Sir睇完建議浴室要全爆做過。〈講樓擂台〉請來祥益地產總裁汪敦敬，傾下2024北部都會區有何前景。
- 樓盤傳真
- 2024年01月01日
樓盤傳真 30/12/2023
一年比一年過得不平凡，2023年樓市先升後跌。今晚《樓盤傳真》同大家回顧全年表現，一齊走過2023。「先升後回」的市況，今年創下多項歷史新紀錄，一、二手數字維持低水平，賣地情況又不如理想。環球經濟以至本港樓市大逆轉，至年底都未有起息。節目全年無休帶大家驗樓，〈業主新睇驗〉今年驗過逾40個全新盤，整體表現有進步，甚至有發展商交出令人驚喜的成績，還會總結2023年的家居裝修潮流趨於。
- 樓盤傳真
- 2023年12月25日
樓盤傳真 23/12/2023
今晚《樓盤傳真》同大家傾下發展局降低強拍門檻至最低65%，對發展商、小業主有何利弊？大嶼山長沙的住宅地以低於市場估值推出，每呎樓面地價只得2,492元，預計明年情況會更差。又會睇下政府和金管局今年曾多次出手調整政策，對市場效用有幾大呢？〈入屋睇樓〉去到掃管笏參觀一個三房放盤，在云云蝕讓之中，業主希望可以微賺離場，契機何在？長實又有新樓交，〈業主新睇驗〉帶大家到新發展區洪水橋，驗收#LYOS一個低層單位，質素被窗戶拖累，有漏水風險，能否守住上次A級水平呢？
- 樓盤傳真
- 2023年12月18日
樓盤傳真 16/12/2023
今晚《樓盤傳真》同大家傾下地價接二連三衝破下限，市建局九龍城盛德街項目每呎樓面地價只有約4,694元，較估值下限低約19%。樓價低，蝕讓個案不斷，當中納米樓的情況更嚴重。不過租金反而向升，市場更預計下年指數會繼續向上。大市跌，唔一定所有放盤都要蝕。今集〈入屋睇樓〉去到九龍站上蓋的擎天半島參觀，業主20年前沙士時低價入市，依家仲有冇條件跑贏大市呢？〈業主新睇驗〉驗收23年前發展的私人參建居屋，一齊睇下采頤花園經歷時間洗禮後的質素係點。
- 樓盤傳真
- 2023年12月11日
樓盤傳真 9/12/2023
發展商對賣地決策再審慎，今晚《樓盤傳真》同大家預測下明天投地部署會點？又會傾下一手豪宅市場過去一年走勢，明年又會係點？過去一星期只有一個豪宅盤上樓書，是薄扶林道138號，分析下佈局如何。〈入屋睇樓〉帶大家到土瓜灣，參觀環海東岸一個307呎的中層一房。業主現以蝕讓價出讓單位，除了受大市影響外，單位類型也是主因之一。同大家睇下納米樓何去何從。〈業主新睇驗〉去到中山驗收一個港式設計的新盤，樓價200萬元有找就買到過千呎的單位，而且質素貼得上香港水準。
- 樓盤傳真
- 2023年12月04日
樓盤傳真 2/12/2023
今晚《樓盤傳真》同大家傾下同一星期兩個全新盤推售，合共涉及400伙，帶大家到賣樓現場睇睇。天水圍天榮站YOHO WEST場面墟冚，但土瓜灣城軒只有零星買家。我哋亦都到城軒示範單位參觀過，發現單位內裏有不少瑕疵，而且問題都幾大。〈入屋睇樓〉帶大到東涌東環參觀一個內裏簇新的兩房放盤，區內未來將會有新發展，但業主都要以蝕讓價出售，原因係咩呢？同大家拆解一下。〈業主新睇驗〉驗收元朗雨後的一房單位，成績都有如盤名，單位漏水問題嚴重，失去不少分數。
- 樓盤傳真
- 2023年11月27日
樓盤傳真 25/11/2023
今晚《樓盤傳真》同大家傾下YOHO WEST以低價10,888元推盤，能否打動準買家入市？對比房協新盤，即使有62折，均價也要8,916元，市場反應似乎一般。再會跟進精進建築工程被除牌後，旗下負責地盤的現況。YOHO WEST將樓市焦點帶到「屯元天」一帶。〈入屋睇樓〉帶大家到元朗水邊圍站附近的御豪山莊，參觀一個三房大單位放盤，附裝修出售，業主叫價也比市價高。〈業主新睇驗〉再一次北上，到佛山順德驗收一個過千呎大單位，質素竟能追貼香港水平。
- 樓盤傳真
- 2023年11月20日
樓盤傳真 18/11/2023
新地天榮站上蓋YOHO WEST上載樓書，分析開則、座向如何選擇。四大代理行涉嫌合謀訂價，反思「回佣」應否存在。精進建築工程正式被除牌，負責的私人發展項目何去何從？〈入屋睇樓〉到將軍澳嘉悅參觀平台特色戶，呎價達2萬元水平，在現市況下出貨有沒有壓力？跟進政府提出填海興建第132區，來容納第137區的厭惡性設施，對將軍澳區樓市有何影響？〈業主新睇驗〉第三次到ONE INNOVALE驗樓，第3期Cabanna成績再有進步。
- 樓盤傳真
- 2023年11月12日
樓盤傳真 11/11/2023
NOVO LAND 2A期加推開售，即日售出約一半。恒地深水埗曉柏峰，一星期內上載樓書、開價，以「萬有引力價」推出首批100伙，對市場吸引力有多大？施政報告提出延長按揭擔保期，受惠樓齡高的二手居屋。〈入屋睇樓〉帶大家到屯門參觀一個居屋放盤，業主曾翻新全屋，所以即使多次減價，叫價都比市價略高。〈業主新睇驗〉再到名日‧九肚山驗收一個兩房單位，成績不但比過往好，甚至升至極佳評級。又會帶大家深入幕牆廠房了解製作過程。
- 樓盤傳真
- 2023年11月05日
樓盤傳真 4/11/2023
同日有兩個新盤開賣，今晚《樓盤傳真》同大家跟進下銷情。負資產宗數飆升，發展商都唔睇好後市，推出「有難同當」計劃，與業主分擔跌市風險。施政報告後第二個新盤推出，係永義國際旗下何文田的單幢盤譽林，今集同大家拆解開則、價錢。〈入屋睇樓〉到日出康城MARINI參觀一個兩房單位。「減辣」後對市場影響有限，放盤業主減價出貨，也要蝕讓離場。〈業主新睇驗〉第三次去到長沙灣維港滙驗收單位。今次抽中312平方呎的一房，質素雖然保持水準，但睡房的手工做得唔好，仍要扣分。
- 樓盤傳真
- 2023年10月29日
樓盤傳真 28/10/2023
新一份施政報告出台，又有新盤趁勢開價。與各界人士分析減辣後市。措施對提振樓市的作用有幾大？基建對多區未來發展又有何影響？〈入屋睇樓〉帶大家到藍籌屋苑麗港城，參觀一個三房套放盤，「減辣」加快交投下也走不出「蝕放」命運。〈業主新睇驗〉到消息多多的啟德區，驗收HENLEY PARK的開放式單位。有豪華裝修，但也有失手之處。
- 樓盤傳真
- 2023年10月22日
樓盤傳真 21/10/2023
盛傳施政報告會「減辣」，有兩個全新盤蓄勢待發。上月放寬新盤樓花按揭後，對建期及即供計劃的影響有幾大？新界村屋底層用作餐廳是否合法？到大埔參觀村屋放盤，請來律師分析箇中法律問題。〈業主新睇驗〉帶大家衝出香港，乘4小時高鐵到湛江，驗收只得初步間隔的毛坯房。獨家採訪珠海的建造業研究基地，深入了解組裝合成建築。