一線搜查丨港女慈雲山染髮嚴重出界致腫痛 髮廊拒退錢｜附消委會染髮劑貼士
一名女士於生日時光顧慈雲山一間髮型屋，打算染上新髮色慶祝。不過當染髮師開始上色時，事主就感到頭皮發痛，染髮師指痛楚稍後會消失，惟事主回家洗頭後，至翌日痛感仍未消退。事主在Facebook群組發文投訴，直至今日（10月21日）髮型屋回應拒絕退錢，表示：「呢個係我哋接受唔到嘅條件。」
更多《一線搜查》生活貼士：
日式超市買旺菜驚見黑點以為發霉 專家解構成因 原來有黑點先好？
氣機收爐後恐成霉菌溫床 醫生警告吸入可致肺炎 日本節目教3招低成本除霉
頭頂、後頸染致通紅發腫
女事主在Facebook群組「慈雲山資訊交流」發文指，自己本來打算在生日染髮扮靚，不料這只是惡夢的開始。染髮當刻，事主已經感到紅腫劇痛，回家後，家人亦告知她的頭頂和後頸變得通紅，情況嚴重得以為是受傷，事主直言：「當時個頭咁樣衰，我連行出門口都唔想，唔好話要我落樓！」
髮廊堅拒退錢：呢個條件我哋唔接受
事主聯絡髮型屋要求賠償，但對方卻以「千字文」堅拒退錢，指只會提供免費頭皮護理，又揚言歡迎事主去消委會投訴。同時，髮型屋亦以事主生日為理由，拒絕向她提供收據：「你堅決一心要退錢，唔退就上網用輿論壓力去處理，我哋都冇辦法……直接要求退錢，呢個係我哋接受唔到嘅條件。」
對於髮型屋回覆，事主表示：「咁多日過去，一見到個頭皮都會嬲到手震，仲衰過自己喺屋企染……發文想警惕大家染髮要慎選，而唔係想索取著數，因為商家一早表明冇得退款，我亦冇諗過最終會獲退款。」而網民就留言力撐事主：「見染到人咁都仲好意思收錢？應該自己出聲點解決啦」、「完全feel唔到負責人有誠意去解決，要求退款都好合理」、「直頭應該報警」。
消委會選購染髮劑貼士
消委會曾指出，染髮劑內部分成分具刺激作用，可能令部分人士患上「接觸性皮膚炎」，只要碰到一點抗原（如染料）就會過敏，因此選購時要了解3類染髮劑風險，以及3招處理過敏方法：
3類染髮劑風險：
【1】永久性染髮劑
適合想進行全頭染色的人。但有機會破壞頭髮表層，造成乾燥或毛噪，如果想減低對頭髮的傷害及過敏風險，應避免使用相關用品。
【2】半永久性染髮劑
適合補染或頭髮已受損害，但想短暫改變髮色的人。所需染髮時間較長，要每隔幾天至一星期就要補染一次，否則不能保持髮色。
【3】短暫性染髮劑
適合只想改變一次髮色的人。不會對頭髮造成傷害，在日常沖洗後，就可以回復原來髮色。
3招處理過敏方法：
- 使用期間感到痕癢，甚至有灼熱感覺，應該立即用清水沖洗。
- 沖洗皮膚後症狀仍然持續，應該盡快向醫護人員求助。
- 如果曾因染髮而引起過敏反應，在下次選擇染髮產品時，要特別留意產品包裝的成分表，避免使用含較多不同致敏物的產品。
（全文完）
免費電視77台《一線搜查》
播出日期：逢星期一至五
播出時間：20:00-20:30
WhatsApp報料熱線：68960931
節目重溫請＜按此＞
