40歲胡定欣寧要結婚不要視后　Bob林盛斌發功助物色IT金融才俊

近日藝人陳敏之邀請Bob林盛斌到YouTube頻道一齊傾偈，有「金牌媒人」之稱的Bob大爆「下一個我一定要搞掂胡定欣」。早前胡定欣亦受邀上過陳敏之頻道，表示寧願要Mr.Right都不要視后，更說「唔使諗，呢個唔係問題嚟！」

胡定欣脫單有望？

Bob的戰績十分犀利，圈內圈外至少撮合過十對以上情侶，而且不少成功結婚，例如朱慧敏及張秀文，Bob說：「我好鐘意做呢件事，因為我覺得呢個女仔、男仔好好呀，我想佢更開心。」又說下一個目標就是要為胡定欣找對象！

因形象太惡嚇怕對象

Bob續指自己有嘗試問過一些男性朋友，想介紹胡定欣給大家認識，不過好多人第一反應是：「胡定欣會唔會好惡？」，因為看到她眼神很凌厲。Bob解釋其實胡定欣的溫柔、可愛、女性化是很吸引，陳敏之亦指胡定欣是一個好女仔：「又孝順、又靚、獨立、搵到錢、做事專心、有Comfort Zone」，但Bob指胡定欣本身對找另一半都有一定要求。

方力申爆不敢主動追求

其實胡定欣早前亦上過陳敏之頻道大談愛情觀，陳敏之指很多男同事都覺得胡定欣為人嚴肅，大爆連方力申也直言因為胡定欣很惡，所以不敢主動追求，胡定欣解釋私下的她不是這樣。

胡定欣又說現在愈來愈自豪自己是處女座，因為處女座的人有要求，無論是工作抑或拍拖，有要求等於自己有價值，有個人想法，是一件好事。

要MR.Right不需再奪視后

胡定欣自言在感情上太理智，陳敏之問到：「你寧願要3次視后，定係想搵個普通好鍚你嘅男人結婚？」胡定欣即默認要男人：「唔使諗，呢個唔係問題嚟！」

胡定欣再說：「都40歲人，總有感情上嘅經歷，人係需要有經歷，開心又好，咩都好，咩都要經歷，你先會更加知道自己想點樣、需要啲咩。其實係多謝（舊愛）㗎！」但會先保護自己，考慮自己。又大爆有日在家中飲飽食醉時，覺得自己會孤獨終老。

自責上錯「賊船」戀陳展鵬

胡定欣其中一段被網民認為最坎坷的感情，正是在2015年戀上陳展鵬。當時兩人因拍攝《城寨英雄》而被傳撻著，其後齊齊獲封TVB視帝視后，頒獎禮時，陳展鵬因公開親吻胡定欣臉頰引起哄動，但不久卻被拍到單獨與港姐單文柔約會，更直指：「我從來無同胡定欣拍拖！」二人在Instagram互相取消追蹤，有傳胡定欣十分自責上錯賊船，無帶眼識人。

不知「金牌媒人」Bob發功後，胡定欣能否成功脫單，找到如意郎君呢？

（全文完）

推薦閱讀

常見問題：

問：陳展鵬胡定欣有冇一齊過？
答：陳展鵬直指：「我從來無同胡定欣拍拖！」… 詳情請睇

問：Bob林盛斌撮合過甚麼藝人？
答：Bob至少撮合過十對以上情侶，例如… 詳情請睇

😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life