一線搜查｜大圍單車舖霸路3年未解決　逾百部車阻街「封路」　街坊無奈：投訴完都冇用

《一線搜查》早在2023年曾報道過大圍積壽里有單車舖長期霸佔公家路，將大量單車停泊路中心，不但嚴重影響街坊出入，甚至連救護人員也沒法順利使用擔架床，拖延救援工作。然而事隔近三年，問題不但未有解決，反而日漸惡化。

「目測都過百部單車，淨係留返條好窄嘅路俾我哋出入，顧客又會係路中揀車、試車，搞到『人車爭路』。」街坊陳先生居住在大圍十多年，指涉事單車舖由舊舖搬至新店後，情況便每況愈下。以往尚會「朝行晚拆」，傍晚時會用大貨車運走大部分單車，「過一段時間之後佢哋就冇再做呢個動作，將啲單車24小時泊晒係條街到。」陳先生曾向食環署職員投訴，惟跟進後問題依舊。

事隔近三年，《一線搜查》攝製重訪現場，發現仍然有大量單車停泊在積壽里的路中心，甚至情況有所加劇，連附近行人路欄杆、後巷及行人路中間石壆等地方都停滿單車，居民出入倍加困難。

大圍區議員鄧肇鋒指出，沙田區因單車使用者眾多，長期存在「人車爭路」及單車停泊位不足等矛盾。當局雖然在2018年成立了跨部門單車工作小組，定期清理單車違泊黑點，但成效有限。部分店舖在執法期間將單車移走，待行動結束後又故態復萌，問題始終未能根治。

鄧肇鋒續說，以《簡易程序治罪條例》票控店舖有難度，「佢（店舖負責人）可能否認啲單車係屬於佢嘅，而食環署亦未能即場做到票控，只能交到單車行動小組，先俾一個告示，然後24小時之後再嚟執法，往往因為呢個漏洞，令到呢到情況遲遲未有解決。」他又透露，近日有居民反映指周末時商用單車的停泊範圍進一步擴大，甚至堵塞整段行人路，居民曾嘗試與店家溝通，卻未見改善。

鄧肇鋒又說，隨著大圍規劃，預料人口會直線上升，相信「人車爭路」的矛盾會進一步加劇，長遠建議當局研究在附近設立單車公園等設施，以滿足解決區內租賃單車的需求。

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞