孕妻凌晨作動連截兩架的士都拒載港爸FB呻：講晒趕住去生仔都話要交更

孕妻臨盆在即，作為丈夫當然會十分緊張，日前有位準爸爸在Facebook群組「巴打絲打「13親子育兒」Facebook Club」發帖表示，老婆凌晨4點作動，但路上連續截了兩架的士都以交更為由拒絕載客，幸好等到第三架終於可以上車。

港爸更稱當時孕妻並無穿羊水亦無見紅，只是持續陣痛，所以不會影響車廂清潔，帖文出街後隨即引起大量網民留言討論。

網民：應事先call車

有網民認為「其實4點幾又真係交更時間嘅」、「佢地遲交更好似都要罰好多錢架」、「其實未穿水未見紅，應該搭巴士去都未生得（利申生左三件）但其實應該call 定車。慢慢自行落去上車，唔洗老婆痛住喺街等」。

但亦有網民反駁「交更啫，人命呀，咁都分唔到輕重先後？真係價值觀問題」，以及勸導港爸「算啦，平安順利就算」、「最緊要母女平安」。

同時，有不少媽媽都留言分享自身經驗，表示最緊要冷靜處理，建議港爸可以事前先call車，並列明是要去醫院分娩，同時自己最好準備定防水墊以免弄髒司機車廂。另外亦叮囑爸媽切勿叫救護車服務，因為附近醫院未必有婦產科，所以並不能幫到孕婦分娩。

孕妻凌晨作動 連截兩架的士都拒載 港爸FB呻：講晒趕住去生仔都話要交更