港超｜大埔1比0險勝傑志　東方4比0大炒港會

【有線新聞】港超，大埔主場1比0險勝傑志。
綠衫大埔的盧卡斯禁區外起腳，陳肇鈞衝門來遲一步，被門將泰利沒收。角球攻勢令禁區一片混亂，盧卡斯近門頭槌無功而還。傑志搶回主動，但埋門總是未能轉化成入球，韋頓單刀柱邊出底線，這位巴西前鋒再有機會，轉身起腳中楣，半場互無紀錄。
兩隊在聯賽都未輸過，傑志門將泰利脫手，伊高沙托尼近門射高。5年前協助大埔首奪港超冠軍，同年當選香港足球先生，伊高回巢逐漸找回狀態，遠射被泰利單手托走。
同樣是倒戈，盧卡斯73分鐘把握到機會，接應罰球為大埔射入全場唯一入球。上半場大埔有門楣，下半場就有韋法頓護空門，清走費蘭度的射門，為大埔守住1比0勝局，下星期六高級組銀牌8強再鬥過。
藍衫東方就大勝港會4比0，梁冠聰繼星期日的菁英盃之後再有入球。
把握門將控球失誤，40分鐘射入。換邊後輪到馬高斯發威，射入精彩窩利，51分鐘2比0，巴科爾78分鐘混戰中建功，拋開到3球優勢。
東方下星期要應付亞冠2作客菲律賓，37歲的馬高斯補時入多球提升信心，淨勝4球完場，5勝1和排榜首，領先踢少場的大埔3分。