Pokémon GO｜撰千字文感謝黎青龍贊助參賽經費　前領隊：個冠軍黎教授有份

【有線新聞】16歲中學生鄭業楷日前在手機遊戲Pokémon GO世界錦標賽奪得冠軍，成為首名港人贏得這項賽事的冠軍，亦是首個來自亞太區的世界冠軍。Pokémon GO香港隊前領隊張樂行今日（22日）在社交平台發文，感謝同為Pokémon GO愛好者、肝病權威專家黎青龍，又指對方曾在去年贊助一萬元讓團隊能夠前往日本參加比賽，縱使當日小組賽出局，黎青龍仍未有怪責，反而鼓勵他們「輸咗唔係咁大件事。繼續打，一定會考第一嘅」。

張樂行表示，去年曾寫信邀請黎青龍贊助團隊前往日本參賽，雖然對方當時被減薪、收入減少，但仍願意贊助一萬元，「我無諗過教授會畀咁大筆錢支持我哋呢班佢三唔識七嘅人。我不停講多謝。」而由於黎青龍不擅長使用電子支付，只能下班後前往銀行轉帳。張樂行又笑言：「我以為佢話『跑』係講笑。點知，如果我無記錯時間，佢大約17:03就過咗數。佢應該真係跑去銀行，而且跑得好快。」

感恩雪中送炭　張樂行：我呢世都會記住

他說，當時自己每日都在為選手尋求贊助，被鬧、被笑、被人無視，「只有黎教授同另一位郭大維老闆向我哋投下信任一票。雪中送炭，我呢世都會記住。」

然而，團隊去年止步在小組賽，不過黎青龍未有怪責，反而鼓勵他們：「輸咗唔係咁大件事。繼續打，一定會考第一嘅」，並期望香港隊將來能夠贏得比賽。賽後，為了表示謝意，張樂行與隊員們在會場限定精品店內「瘋狂掃貨」，挑選了「一車」禮物予黎青龍，其中更有隊員堅持自費，購買特別版「拉麵比卡超」贈送予黎青龍。

憂被視為伸手黨　張樂行自言「以小人之心度君子之腹」

直至今年，由於有官方贊助機票及酒店，張樂行未有再向黎青龍尋求贊助，他坦言：「我驚教授覺得我哋係伸手黨，甚至係一班年年走去呃佢錢嘅騙子。而且官方已經贊助咗蝦皮（鄭業楷）機票同酒店，所以財務壓力細咗好多。因此，我唔想輕易用黎教授呢張『人情牌』」不過，張樂行時刻也記著黎青龍的幫助，全程向對方報告最新戰況，而黎青龍亦經常為他們打氣。直到蝦皮贏得世界冠軍後，黎青龍更大派心心予團隊。

他又提到，事後從電台節目中得知，黎青龍對今屆團隊未有尋求他贊助感到有些失望，張樂行自言「原來我一直以小人之心，度君子之腹，我驚黎教授會嫌棄我哋問佢攞錢。點知教授一直想搵個機會，還一個佢唔需要還嘅人情畀我哋。」他又說，過去一年每次去旅行，都會為黎青龍購買比卡超作手信，但遲遲未有寄出，擔心對方覺得市儈，「買幾百蚊禮物畀佢，然後一到夏天就問佢拎成萬蚊贊助！我真係以小人之心，度君子之腹！」

張樂行又說，在自己心目中，「冠軍黎教授係有份嘅。無咗佢舊年嘅栽培，畀我哋出去見識世面，唔會有今日嘅蝦皮」。