網絡熱話｜流浪狗兄弟獲救兩個月仍無人領養　義工突設死線指「送佢哋一程」　網民鬧：情緒勒索

【有線新聞】本港有不少熱心義工，在拯救流浪貓狗後，都希望為牠們覓得好主人。不過，近日一名義工在社交平台發文為一對流浪唐狗尋找主人時，竟設下「死線」，並稱如果死線前仍未有人領養，將會「親自送佢哋一程」，引起一眾網民嘩然。

該名義工昨日（12日）在社交平台Facebook發文並上傳一對唐狗的照片，指唐狗兩兄弟約4個月大，是她於今年6月中駕車途經大帽山時發現並救起。兩隻唐狗已打第一針及杜蟲，惟等了兩個月，「即使出post參加領養日都冇人睇中佢哋，暫託姨姨屋企已經有好多狗，唔可以收留佢哋」。

她更設下「死線」，指「如果9月30號之前無人領養，我會10月1日親自送佢哋一程。唔好問我點解，問下啲人點解買狗仲好，問下佢哋點解選擇購買而唔領養。你哋每買一隻狗，就等於扼殺咗一隻正等待領養嘅狗嘅機會。」

帖文引起一眾義工及網民群起而攻之，有人留言怒斥「咩叫送一程！幫唔到如果沒人領養咪絕育原放囉，生命唔係任何人可話事，簡直係道德勒索」、「寫一句親自送佢哋一程感覺好冷血。如果出唔到領養就要攞去啪，你不如休息下唔好救，至少佢地喺山仲有一線生機」、「無人要就要死，咁你又救佢哋，你救佢哋要預咗有暫托」、「好怕呢啲情緒勒索」；亦有不少人擔心狗狗安危，留言詢問領養要求「請問係咪要一對領養？」、「2個小朋友幾時會再出領養日啊，想同佢哋見下面」、「請給狗狗一個生存的機會」。