網絡熱話｜冒險樂園掟彩虹無擲界　因一原因被裁「唔中」　網民：係咪次次要人報警

【有線新聞】近年「掟彩虹」不時發生中獎爭議，甚至要報警解決。有網民早前就發文分享，指自己在美國冒險樂園上水分店「掟彩虹」時，成功將代幣擲中圈內，但仍被職員裁定為「不中獎」。事件引起不少網民討論，有人更留言指「係咪次次要人報警先得」。

該名網民日前在社交平台Facebook群組上傳照片，指在上水的分店「掟彩虹」。根據其照片可見，代幣擲中圖案中獎範圍，從側看與最近的黑線仍有不少距離，並無擲界。不過樓主指，「職員堅持要由上而下去影，影完係擲界」，又稱「綠獎啫，唔使呀嘛」。

不少網民留言支持樓主，指「呢個點影都冇可能擲界啦，擺明個員工玩嘢，上水試過好多次都係判得奇奇怪怪」、「下‥點睇都有位剩呀」、「冇可能擲界」、「呢啲真係即場開佢波，咁都叫唔中，上水呢間真係唔使去，唔好畀錢佢賺」、「由上面影落嚟根本唔公平」、「呢個唔中非常離譜」，更有人留言指「係咪次次要人報警先得」。

另外，亦有人留言分享自己的類似經驗，「又係擲彩虹，唔記得中咗藍色定綠色，隔離客都望到話係中，但被個新職員唔小心掃咗，另一個高級啲嘅諗都唔諗就話唔中，勁X嘅態度，當下嬲嘅係佢嘅態度」。