網絡熱話｜寶馬司機大戰黃埔鎖車隊　發爛渣揼地：我無錢畀啊

【有線新聞】黃埔花園鎖車隊出名行動快、鎖車快，令一眾車主聞風喪膽。近日各大社交平台瘋傳一段寶馬司機大戰黃埔花園鎖車隊的影片，引起網民熱論。

根據影片可見，一輛藍色寶馬停泊在黃埔花園錦桃苑停車場入口，一名疑似司機的大叔則站在旁邊，不斷大聲怒斥鎖車隊職員「搞錯啊！真係離晒譜㗎！」期間大叔情緒激動，更發爛渣「揼地」，又怒氣斥斥一邊走近鎖車隊職員，一邊說「放返佢（車轆）呀！我冇錢畀啊！」不過在旁的4名鎖車隊職員則淡定應對，未有理會大叔要求。

影片引起不少網民討論，有人留言稱「有停車場唔泊，而家俾得重金」、「人哋停車場咁多位俾你泊，你又唔想畀錢，咁人哋咪捉你違泊囉」、「俾我有車位就泊啦， 最怕無位啫」；有人更分享經驗指曾經在餐廳用膳時，透過玻璃窗看到有司機下車去廁所，轉身已被鎖車；有人則笑稱「挑戰黃埔，簡直冇得贏」。