被指拖欠貨款、單方面續約　商戶留言洗版追數　HKTVmall：財政穩健、按合約發貨款

【有線新聞】網購平台HKTVmall fb專頁近日遭洗版留言，被指拖欠供應商一月貨款，又單方面修改合約續約日期，所有商戶被自行續約。HKTVmall表示，集團財務狀況穩健，並根據合約發出貨款；商戶加入首年，該公司會於合約終止期三個月之前發送通知，提醒商戶續約安排。

HKTVmall fb專頁近日出現大量「追數」留言，不同帳戶以同一格式留言，指HKTVmall未依期繳付貨款，但強迫商戶繼續出貨，「你好，直至2月21日 仍然有好多商戶未收到1月貨款，請回應HKTV 是否有內部問題，未能盡時找貨款？ 謝謝」、「hktv唔找數俾我地商戶又強迫再出貨，咁我地商家係咁再出貨咪凍過水，集體擺出貨抗議，擺（罷）出單」、「我都係，2024年1月的貨款到2月21號都仍然冇影，同你合作嘅商戶真係多得你唔少，真是無良公司」等。

HKTVmall稱財務狀況穩健　按合約發出貨款

HKTVmall回覆本台查詢時表示，集團財務狀況穩健，並根據合約發出貨款，「由於每間商戶收取貨款的次數不同，因此合約列明於發放週期報表後會發出貨款。每月的最後一天為截數日，財務部一般於截數日後的10至15個工作天內，經電郵發放週期報表及貨款予商戶。」

HKTVmall指，合約列明商戶如果終止合約，須於合約終止期前三個月提出申請。商戶加入第一年，會於合約終止期三個月之前發送通知，提醒商戶續約安排；而第二年合約則會自動續約。發言人稱，以上結算、發放貨款以及續約安排已實行一段時間，並非新增安排，會盡力解答商戶疑問。

留言格式統一　網民質疑帳戶真偽

不少網民質疑這些留言的真確性，「咁可怕嘅，有咁多假AC」、「好多鬼ACCOUNT」、「全部 copy and paste」。亦有留言網民反駁，指透露身份會遭HKTVmall取消帳戶，「如果我哋講咗佢可能會取消我哋帳戶，呢個就係大家都忍氣吞聲嘅原因」、「 Copy and paste就正正係因為個個小商戶都遇到同一情形，大公司的他們會快些找數，淨係欺壓我哋小商戶」。