一線搜查｜餐廳茶壺有兩片發霉檸檬 食客呻投訴困難重重：政府點解設咁多障礙？
食物安全｜網上不時有人發現食肆的餐飲中有曱甴，有市民則是遇到兩片發霉至黑色的檸檬。據免費電視77台節目《一線搜查》報道，觀眾S先生於一間連鎖餐廳的茶壺中，竟發現兩片發霉檸檬，而他之後的投訴經歷更是一肚氣。
發霉檸檬水已飲落肚
「當時我同朋友倒咗兩杯水出嚟，發覺『咦？點解一點點嘅？』，但係我哋當時已經飲咗落肚。」S先生上月初和朋友到一間連鎖餐廳食飯，在茶壺內發現兩片發霉變黑檸檬。S先生當時隨即向經理投訴，他引述經理表示，該批茶壼於2022年10月購入，專用作檸檬特飲，因此他懷疑兩片檸檬有可能一直在茶壺內。
「即係話佢（餐廳）係喺咁多個月以嚟，都冇洗過壺，先至可以令到佢（檸檬）喺入面發霉啦，有咁嘅濕度、溫度，先可以發到咁黑啦。」S先生形容當時經理反應顯得詫異及不好意思，因此免除了餐費，但S先生說：「我嚟食嘢唔係想免費，係想食安全嘅嘢。」
推薦閱讀
女子拆開M巾驚見蟲卵 生產商回應後 網民反怪事主做錯｜附消委會正確存放衛生巾方法
的士司機好心落車幫開門 身障女7秒閃電偷錢 網民：現在都不敢幫別人了
食環8日後才收取樣本
S先生表示，為免其他食客再中招或者其他餐廳重蹈覆徹，覺得作為一個市民，不能「貿貿然走咗去」，於是帶走兩片發霉檸檬。S先生翌日就事件再次致電餐廳經理，但經理態度180度改變，表示已問過員工，員工表示有清洗茶壺，並沒有發現發霉檸檬。S先生問如果要求診及做檢查，餐廳會否負責，該經理表示不會負責，又叫S先生可以報警或報食環署。
事實上，S先生於事發當天曾致電食環署，但無人接聽，於是致電1823，但致電多次才有人接聽，而其時他已離開該餐廳。翌日S先生收到食環署職員聯絡，表示需要S先生配合食環署舉證工作。最終S先生將發霉檸檬放在雪櫃存放8日後，食環署人員才登門收取樣本及要求S先生填寫供詞。
更多熱門文章
跑馬地豪宅1,000萬裝修被指「家徒四壁」 網民拆解3大矜貴之處
港男大圍買魚蛋電話跌落湯 阿姐撈起後湯底繼續用｜附手機入水處理方法
然而，食環署人員收取樣本四日後，致電S先生表示，由於發霉檸檬「擺太耐」，樣本不建議作化驗。S先生表示：「點解罰則會咁輕？同埋又要搞咁多嘢，又要上堂、又要排期，又要做咁多工作、化驗咁樣，到頭來原來食肆係可以逍遙法外……我哋作為一個受害者、一個小市民，想將呢啲不法同埋唔守規矩嘅食肆，得到一啲應得懲罰，但政府部門點解要設咁多障礙？點解咁多掣肘？令到成件事咁複雜呢?」
根據《食物業規例》，違反與食具衞生相關條文，最高可被罰款1萬元及監禁3個月。S先生表示，即使成功檢控該食肆，罰款往往只是數千元，對大集團來說「濕濕碎」，因此他才聯絡《一線搜查》，他說：「想將呢啲小事講俾全港市民聽，唔好因為呢一啲小事而退縮，一定要講俾大家聽，正視呢個問題，當所有市民都挺身而出，舉報呢啲咁不公嘅情況，我相信政府唔會咁無視呢啲所謂嘅『小事』。」全部內容可於網上重溫《一線搜查》第195集。
免費電視77台《一線搜查》
播出日期：逢星期一至五
播出時間：20:00 – 20:30
（午夜12時於免費電視 78台 重播）
WhatsApp報料熱線：68960931
（全文完）
推薦閱讀
