肥媽打4針科興感染　隔離期間崩潰幾乎精神失常　喊住與亡夫對話：我好辛苦！

已經接種4劑科興疫苗的肥媽（Maria Cordero），早前不幸感染新冠肺炎，雖然疫苗令其病情減輕，不過要困在房裡隔離，難免會有情緒波動。肥媽昨日（7月12日）出席《明愛暖萬心》記者會時，自爆在隔離期間崩潰，幾乎精神失常，甚至喊住向空氣對亡夫講：我好辛苦！

自爆困在房內好辛苦　忍唔住喊

肥媽現在已經康復，不過回想起隔離期間，她表示：「喺自我隔離嗰幾日，我真係差啲精神失常，因為困住喺間房度係好辛苦。當我困到第四日，我就忍唔住喺度喊，仲會對住空氣自言自語同老公講嘢，話自己好辛苦，變咗我咁樣做係可以舒緩到自己嘅情緒，不過最終都捱咗9日就出關，而家乜事都冇，做返一線歌手，連飯都可以食兩碗。」

肥媽與亡夫Rick結婚21年，Rick在2017年患上末期肺腺癌，需要經常出入私家醫院，醫療費高達600萬，可是Rick在2020年不敵病魔，與世長辭。痛失摯愛的肥媽傷心欲絕，令不少朋友很擔心，肥媽隨即拍片安慰大家，表示幸好有家人和狗狗陪伴才能撐過去，之後會買紙紮iPad燒給丈夫，因為知道丈夫最愛看自己的煮食片。

確診期間不停飆汗　一日換四次衫

其實肥媽在上月確診時，一直都有拍片放上社交平台向大家分享近況，肥媽在片中指：「今日係中咗嘅第三日，頭一日發高燒係好辛苦，第二日就退燒，但唔停咁飆汗，一日要換四次衫，個頭好痛好痛，咳得好緊要，今日就抖氣有啲喘。」片中可見肥媽面色蒼白，一邊講一邊咳，狀態非常一般，不過肥媽亦不忘分享中招貼士：「最緊要飲好多好多水，我飲十幾枝水一日。」

繼續呼籲觀眾打針

幸好肥媽心態樂觀，直指：「我中呢個係好勁嘅菌，我咁嘅年紀，今日第三日可以咁樣，奇蹟啊已經！」又指：「所以中咗嘅人，有打針嘅就唔使擔心，冇打針嘅就快啲去打，好彩我打咗針。」最後肥媽再次多謝大家關心。

（全文完）

常見問題：

問：肥媽隔離期間如何舒緩情緒？
答：肥婆會對住空氣自言自語… 詳情請睇

問：肥媽有甚麼中招貼士？
答：「最緊要飲好多好多水，我飲十幾枝水一日。」… 詳情請睇

😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life