衛蘭演唱會大唱舊歌冧fans　鍾舒漫做嘉賓被批似佈道會　苦主叫回水

一連三場的《衛蘭 BE STILL LIVE 2022演唱會》進行得如火如荼，衛蘭（Janice）相隔四年再踏紅館開騷，一升台時，歡呼掌聲已經滿瀉紅館。不過嘉賓之一的鍾舒漫出場時就閃著淚光分享失聲故事，令觀眾不太受落，批評搞到似佈道會，大叫中伏回水。

Janice出場即獲歡呼拍掌

Janice以《生涯規劃》作演唱會揭幕，然後又一口氣大唱《如水》、《驗傷》、《運動詩歌》等等，滿足完大家耳福後才開口跟歌迷打招呼。Janice深呼吸笑說：「感受下你哋先！」觀眾即時歡呼拍掌，她開心笑道 ：「頭先好緊張，因為好耐冇上台唱歌。今晚呢個演唱會希望大家可以暫時放低你哋煩惱，盡情放鬆一晚，我好緊張，但ok ，我唱幾首歌就ok啦，哈哈。」

鄭中基驚喜合唱《心亂如麻》

鄭中基（Ronald）打頭陣擔任嘉賓，Ronald升上來時，立即將現場氣氛炒到最高點，兩人合唱《心亂如麻》後，Janice就怕羞話：「好緊張呀，好多謝你嚟做嘉賓。」Ronald就笑住話：「我都估唔到你請我做嘉賓，我都好想搵你一齊唱《十個他不如你一個》，因為我覺得首歌好好聽，好想唱，但係又唔夠膽問你。」接著Ronald就獨唱《My Only One》，並搞笑講到：「又到咗『匪疑所思』時間」，觀眾即刻開心起哄，不過Ronald就話：「都係去我個Channel聽我坐喺到讀信啦 ，依家我企喺到，都係唱歌啦！」

鍾舒漫哽咽分享失聲故事

此外，Janice又邀請了5位好姐妹，包括Sherman鍾舒漫、Sukie鍾舒祺、Shimica、Reanne、妹妹Jill衛詩一同分享舞台，合唱《所以我愛》、《Joyful,Joyful》等歌，鍾舒漫更閃著淚光分享自己之前失聲的故事，表示因不能唱歌而令人生失去價值，非常痛苦，多謝Janice一直義無反顧等佢一齊上台，不停給予鼓勵，她才可以康復。最後Janice以經典歌曲《大哥》作結，又encore四首舊歌，包括《就算世界無童話》、《My Love My Fate 》、《愛你還愛你》、《離家出走》，歌迷聽完才依依不捨離去。

觀眾：以為福音佈道會

不過觀眾對鍾舒漫的分享似乎不太受落，除了在連登討論區以「收X啦鐘舒曼（漫）」為題，開post大呻中伏外，又去到鍾舒漫及華納IG反映意見，問「可唔可以回水」，表示：「點解要喺Janice個演唱會聽你分享？如果要分時間比你都請你唱歌唔好用成10分鐘講道理囉」、「我俾錢真係想聽下衛蘭演唱，我唔係想聽傳教，我要聽我可以翻自己教會」、「利申鍾意你啲歌，但唔係基督徒唔係太想聽福音」。

鍾舒漫接下來仍然會擔任Janice演唱會嘉賓，未知她是否收到觀眾意見，減少福音分享時間。

（全文完）

常見問題：

問：鍾舒漫為何被觀眾鬧爆？
答：鍾舒漫在台上閃著淚光分享自己失聲故事… 詳情請睇

問：網民對鍾舒漫有何意見？
答：一眾網民去到鍾舒漫IG問「可唔可以回水」… 詳情請睇

😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life