姜濤自爆後悔與花姐鬧交：激到佢要食降血壓藥　鄭中基安慰兼獻計耍冧

MIRROR成員姜濤最近獲邀上鄭中基（Ronald）YouTube節目《機動電視台》做嘉賓，大玩「Truth Or Dare（真心話大冒險）」，兼宣傳HPV健康教育。期間兩人進入深情對話，除了公開自己最大的缺點，姜濤更大爆最近與經理人花姐（黃慧君）鬧交，令她氣得要食降血壓藥，為此大感後悔。

姜濤笑到失控

姜濤與鄭中基在節目上玩真心話大冒險，在互問環節中，鄭中基不停用經典的「暴龍演繹」回答提問，令姜濤完全無力招架，全程失控大笑。姜濤問鄭中基：「通常創作靈感來自邊度？」鄭中基以港式普通話表示：「通常都係奶支（來自）生活，同時亦奶支（來自）身邊的人。」逗得姜濤非常開心，掩嘴大笑地指：「我真係好鍾意呢段。」

鄭中基：MIRROR成員中最鍾意姜濤

姜濤又問鄭中基「MIRROR入邊最鍾意邊個？」本以為12位成員會令鄭中基難以選擇，結果鄭中基不假思索地對著姜濤說：「梗係你啦。」令姜濤大感疑惑：「係咪㗎？」鄭中基笑指：「今日第一次見，梗係你啦。」輕鬆解答了這條「生死抉擇題」，令姜濤再次大笑。

姜濤性格「硬頸」 只因不想後悔

兩人不停大放笑彈，玩到中途突然開始進入深情對話，鄭中基問姜濤「你覺得自己最大缺點係咩？」姜濤直言自己最大缺點是「硬頸」，他透露：「我覺得自己有時係硬頸到…完全唔聽身邊人嘅意見。」他續指，尤其是對於自己的歌或者表演，一向都很「硬頸」，他解釋：「可能件事係錯，但我都會繼續做落去，係因為我唔想後悔，如果唔係會成世記住冇做到件事。」

鄭中基：硬頸其實唔係錯

鄭中基對姜濤的「硬頸」表示認同：「其實做藝人某程度上都需要一份堅持。趁後生時可以慢慢硬頸，慢慢可以一路從你嘅經歷，一路會知多啲，所以硬頸其實唔係錯嘅。」姜濤則表示：「我好努力搵緊個平衡。」

姜濤後悔激嬲花姐

鄭中基又問到姜濤「一個近期後悔嘅決定」，姜濤則大爆最近與花姐在電話中吵架，「因為一啲事，唔講係啲咩，但真係好激親佢，激到佢好嬲。」更指這次是兩人認識多年來，吵得最嚴重：「最甘呢一次！甘到聽身邊嘅人講話佢要食血壓藥。」並謂得知後大感後悔：「我真係好後悔，唔應該同佢喺度嘈。」

粉絲大讚兩人有火花

看到姜濤如此內疚，鄭中基安慰他︰「都過咗去啦，同埋你都後悔咗，佢睇到就會無事，可以食返啲升血壓嘅藥。」結果令姜濤一秒破功，再次忍不住大笑起來。一眾粉絲留言指這集節目精彩又好笑，並大讚兩人互動很有火花，難得看到姜濤真情流露，十分感動，期待兩人再次合作。

（全文完）

推薦閱讀：

常見問題

問：鄭中基點解最鍾意姜濤？
答：姜濤問鄭中基「MIRROR入邊最鍾意邊個？」鄭中基著姜濤說：梗係你啦… 👉🏻 詳情按此

問：姜濤最大缺點係咩？
答：姜濤直言自己最大缺點是「硬頸」，他透露… 👉🏻 詳情按此

😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life