一線搜查｜兩節日前後山火數目翻倍 人為疏忽成主因 專家教路逃生保命要訣
山火最常發生在秋冬兩季，雖然山火可自然引發，不過有專家指出，香港絕大部分山火罪魁禍首仍是人為疏忽，包括拜山前未有清理雜草、未有在鐵桶內燃燒冥鏹、吸煙等。
雞公嶺一月錄兩宗山火 受災面積等同26個維園
雞公嶺是本港著名的山火黑點，據統計，在2020年至2024年期間，該處平均每年錄得兩宗山火，受影響範圍約110公頃。單是今年1月，雞公嶺已錄得兩宗山火，受災面積達至500公頃，相當於26個維園的面積。有行山人士透露，逢吉鄉一帶幾乎年年失火，除了兩旁有燒焦痕跡、影響空氣外，山火後的土壤變得鬆散，變得危險。
山藝教練Sunny Sir表示，香港的山火多數源於人為疏忽，包括拜山前未有清理雜草、未有在鐵桶內燃燒冥鏹、吸煙等，「唔好睇小煙頭，就算咁細嘅火頭跌落地下，佢一著、風一吹，好快蔓延成個山頭，好多山火都係咁。」天文台過往亦曾經分析數據，發現清明節及重陽節期間發生山火的平均數目，較一般假期高出一倍。
專家教路逃生保命要訣 提醒一重要事項
如果不幸遭遇山火應如何應對？Sunny Sir表示，首先要冷靜觀察周圍環境，找準逃生路線並留意風向。若身處山腳或山腰，應逆風向下撤離；但若果山火從山腳燒起，而自己身處接近山頭位置，則可先上山、再從另一方向下山，「可以一上一落，因為通常火向上燒，好多時候山脊左邊燒到燶晒，但右邊係冇事嘅，所以可以一上一落都可以避到。」
他補充，若火勢逼近，應以毛巾捂住口鼻並保持低姿態，避免吸入濃煙，同時要遠離火源。「唔好企圖或意圖將你身上僅有嘅水走去淋啲火，因為你淋唔晒㗎。但有個情況係如果拜山時候，有冥鏹少少跌落地，咁嗰啲細嘅（火）可以盡快踩熄佢，或攞少少水淋熄佢。」不過，Sunny Sir亦提醒：「大自然山火盡量唔好（救），都係撤離，因為大家唔係專業。」
燒傷後兩招防感染 籲發現山火要報警
若不慎燒傷，Sunny Sir建議先用水沖洗傷口，再用保鮮紙或已消毒膠袋包裹，防止細菌感染。若遠處發現山火，應先判斷自身位置是否安全，在安全處報警求助。他強調：「唔使怕尷尬，好多時候啲人話『我唔報，可能有人報咗呢』，唔好咁諗，如果你都報咗、佢又報，重覆咗嘅話，電話對面嘅人會同你講『多謝你，有人報咗警㗎啦，我哋處理緊』，總好過你以為佢會報，佢以為你會報，冇人報就仲麻煩。」
應用格物研究總裁張瑪珊亦表示，山火燒毀的林地往往需數十年、甚至上百年才能復原。而火災後最先冒出的多是芒萁等先鋒植物，這些物種雖率先復甦，卻極易燃燒，易再惹山火。連年山火會導致植被單一化，生態演替受阻，生物多樣性大幅下降，依賴林地的動物及其他生物也難以存活。
78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞
