叫外賣打錯地址　兩少女深宵闖鄰座單位取回　網民提醒一件事

【有線新聞】不少人依賴外賣平台叫外賣，不過近日網上流傳一段影片，透過外賣平台落單時竟錯誤定位地址，只好深夜前往另一幢大廈取回。然而樓主發文時，竟因一句「偷外賣」引起部分網民誤會，更有部分網民擔心樓主擅闖其他大廈或涉違法。樓主日前在社交平台Threads上發文，笑指「冇嘢勁得過我老best（好朋友）撳咗去第二幢樓，凌晨兩點幾出咗去偷外賣」，並附上「偷回外賣」片段。片中可見，樓主與她的朋友在大廈走廊急步行走，指着掛有外賣袋的鐵閘，朋友立即上前小心翼翼地拿起外賣，邊拿起邊小聲說「對唔住，對唔住，對唔住」，樓主則邊取笑朋友，邊走到升降機前等待離開。

闖鄰座「偷外賣」？

帖文引起不少網民熱議，部分網民看見「偷外賣」三字後，誤會少女為偷別人外賣的賊人，樓主即解釋指並沒有「偷」外賣，而是外賣平台的自動定位位置有誤，外賣被送至另一幢大廈，需要自行前往取回，又笑言半夜走到陌生單位外，鬼鬼祟祟地拿回自己的外賣，行為猶如同「賊仔」般。有網民就笑言「標題黨」只看標題，「點解咁多人淨係睇到個『偷』字？明明第一行已經講咗個外賣撳錯咗去第二棟」。

外賣送錯地址　網民：大有同感　

不少網民亦分享類似情況，「個速遞員話掛喺門口，之後我仲鬧爆佢！」、「我係入啱地址都畀人送咗去第二幢，仲要我條邨有十幾幢唔知去咗邊幢」、「試過我個車手送咗去第二棟，跟住我問佢送咗去邊，佢話sorry送錯，跟住即刻幫我喺人哋門口拎返返嚟」、「你就好，有得拎返，我試過係冇，要重新嗌過」、「試過個外賣員送錯咗，叫我自己去拎返，真係好似偷緊人地外賣咁」。有網民就提醒樓主應手動輸入地址，不應依賴外賣平台的自動定位，「其實定位好多時都唔準，地址呢啲記得下次手打算」。

另有網民認為樓主不應拍片放在網上，招人話柄，「有啲嘢覺得可能無咩大問題，放上網畀人笑下，但可能會令自己有麻煩。」更有眼利網民見到片中出現了大廈的名字與單位門牌，擔心兩名少女可能已觸犯擅闖罪，認為再遇到同樣情況應交給外賣平台的客戶服務處理，不應自行取回。