一線搜查｜智障女兒畫畫成興趣　父母開社企鼓勵同路人　冀朋友陪成長：百年歸老都有同伴支持

根據政府統計處最新統計，本港在2020年有約7.7萬至9萬名智障人士，佔全港人口約1%至1.2%。Andy和Jade育有一兒一女，惟細女晴晴約7歲時後被確診為中度智障。要照顧智力有問題的家庭成員並不容易，作為父母，Andy和Jade希望子女亦有機會發光發亮。

6個月大發現有異　８歲確診中度智障　父：嗰一刻好痛！好痛

母親Jade在晴晴6個月大時已經發現有異，惟當時母嬰健康院認為是Jade過於緊張擔心。直至晴晴一歲時，母嬰健康院始轉介她到兒童體能智力測驗中心進行檢查。Jade：「又要再排（期）多半年，先可以見到醫生、護士或者專家做評估，嗰時晴晴已經一歲半，醫生話我嚟得咁遲。」

Jade認為發展期很重要，很想晴晴多與主流的小朋友玩耍，因此安排女兒入讀主流幼稚園。但發現女兒與其他小朋友發展相距較大，於是在晴晴8歲左右轉讀特殊學校並再進行評估，「嗰陣時話俾我聽，佢已經係一個中度智障嘅女孩子。嗰日係晴天嚟嘅，但我睇任何嘢都係灰色，個心情好似跌入低谷咁，冇方向，我又唔知點樣訓練佢，嗰一刻好模糊。」Andy亦坦言，當時沒法接受女兒確診中度智障，「嗰一刻好痛，好痛，我個女係咪真係要咁樣行佢嘅一生呢？」

揭女兒繪畫天份　開社企鼓勵同路人

試過在主流學校讀書，亦去過特殊學校，後來在機緣巧合下，發現晴晴有繪畫的天份。Andy和Jade作為家長，決定全力支持女兒發展相關興趣。Andy：「有次執屋發覺呀妹原來畫咗好多畫喺屋企，無論係畫喺廁紙又好、廢紙又好，我覺得我個女畫畫幾叻喎！」原來，Jade平日會儲起女兒的畫作，Andy就忽發奇想，希望用晴晴的畫作鼓勵其他人，兩人更走勻十八區到處擺放市集，售賣女兒的畫作。

Jade透露，晴晴初時不理解擺市集的意義，直至3年後，女兒開始理解到被人欣賞的成功感、滿足感，即使很累很辛苦也會堅持工作，更向媽媽稱「我嘅產品，我自己賣」。」Jade：「我發覺我個女原來好好，佢唔係醫生、唔係心理學家，又唔係社工，但透過佢幅畫、透過我哋嘅故事，原來都可以幫到人。」

盼愛女如星星閃耀　父：即使很小顆　仍有機會閃閃發亮

至於成立社企「星匠」的契機，原來是來自晴晴哥哥Leon的想法。Leon說，多年前父母已經建立「星匠」的雛型並舉辦畫展，而自己就認為需要長期發展，並創立一間屬於智力障礙青年人的社企。他坦言，不少智力障礙青年畢業後很大機會失業，希望能力透過社企給予他們就業出路，「俾個機會佢哋做鍾意做嘅嘢，有個工作，甚至可以發展自己的事業。」

對於「星匠」名字的由來，Andy解釋，「星」代表著星星孩子，他們未必如同太陽般光芒，可以成為律師或醫生；亦未必能像月亮般可以在夜間照亮人群，但他們就像天上繁星，即使很小顆，仍有機會閃閃發亮、在社會上有份量。「至於匠呢，則係我哋好似匠人咁樣，佢哋（智力障礙青年）佢哋嘅人生好似星星咁，人生至少要閃一次，佢哋嚟到呢個世界都有機會發光發亮。」而Jade就希望女兒能夠有一班朋友陪伴著成長，大家彼此支持、幫忙，「我哋真係百年歸老，無能力啦，但佢仲有同伴一齊互相支持。」

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞