一線搜查｜內地司機揸「白牌車」 皇崗口岸拉客、¥700包車出旺角 被嫌貴後斥：坐10蚊雞皇巴啦
《一線搜查》去年跟進過跨境白牌車問題，有本地業界指，不少內地司機以商務簽證來港駕駛「白牌車」謀生，而近日《一線搜查》再接獲觀眾報料，指該批內地司機越來越張揚，還在皇崗口岸盤據拉客，以人頭收費方式前往香港不同地區。
內地司機聚口岸拉客 港男無辜被鬧：係咪聾㗎
觀眾梁先生報料指，上月前往內地消遣，同晚約8、9時經皇崗口岸返回香港，在前往乘搭皇巴途中被一班拉客的司機纏身，該批司機均操流利普通話。「經過內地關口嘅時候，就去皇巴嗰一段路，有一堆兩地牌司機喺度拉客，就話去荃灣啊、大圍啊呢啲地方。佢哋（司機）一開始用普通話同我哋講，就話好似要收工返屋企，車費可以好平咁俾我哋。佢驚我哋好似聽唔明，就夾雜啲普通話嘅粵語，再問我哋一次。」
「我係咁行過，佢哋係咁追住我、追住我，直到我上到皇巴，我冇理佢，佢係我臨上車時候就鬧我『係咪聾㗎』嗰啲。」梁先生直言該批「司機」在口岸拉客行為猖狂，而自己不上車是基於安全考慮，除了擔心是非法車輛，亦怕被拐至其他地方。
¥700包車出旺角 記者問價又被鬧：坐10蚊雞皇巴啦
¥700包車出旺角 記者問價又被鬧：坐10蚊雞皇巴啦《一線搜查》攝製隊在平日傍晚時份到皇崗口岸視察，發現有一批人長期逗留拉客，記者假扮問價，其中一人初時開價700元人民幣包車往旺角，「拼車」則每人收費200元，但要等候約15分鐘。而當記者嫌貴後，對方又改口稱500港元即可包車，不過記者仍以價錢昂貴拒絕乘搭。眼見生意做不成，該司機更出言譏諷：「要坐平，去坐10蚊雞皇巴啦！」
而另一名司機則開價每人200元可「拼車」往荃灣及機場，「荃灣一個$200，上車即走！你大巴幾錢啊？兩個$300，上車走啦，現金。」記者向其中一名司機取得聯絡方法，對方自稱來自廣東，查看其社交媒體發現有不少是分享七人車兩地接送的帖文。
由皇崗口岸過關回港可以乘搭皇巴出市區，前往旺角只需32元。記者停留期間，有身穿皇巴背心外套的職員前來攀談，她似乎對司機拉客情況見慣不怪，指平日前往旺角開價約600元到700元人民幣，新春期間則加價至800元，「過年就是這樣子」。
香港司機：大部分都係大陸人 香港人好少做
香港的中港車司機Marco表示，現時在口岸拉客的司機，與以商務簽證來港駕駛「白牌車」謀生的司機是同一批人，「都係同一類人嚟咋嘛，只不過佢哋無係關口拉客，佢（拉客司機）自己基本上係冇車嘅，佢接到客就會叫車埋嚟。（呢類情況）一直都有，你係大陸過到嚟皇崗口岸，係過關之前都會有啲車停咗係到，但係嗰度好少會拉客，出咗關之後就會有一批人係度叫你。機場啊、尖沙咀啊、諸如此類，如果你想包車又得、拼車又得，通常都有3至4個人喺度做緊呢啲嘢（拉客），大部分都係大陸人，香港人好少做。」
他又說該些白牌車收海鮮價，有時與皇巴搶生意甚至會減至100元一位。由於收費便宜加上毋須下車排隊過關，又能夠接送乘客到住所樓下，「基本上就連旅遊巴生意都搶埋。」
面對跨境謀生的內地司機，香港業界已經向議員及不同政府部門求助，期望有關方面能夠正視問題。入境處回應《一線搜查》查詢時就指，內地司機以訪客身份駕駛中港車在香港收酬載客是違反逗留條件，入境處會與相關執法部門保持聯繫，適時採取聯合執法行動。警方就指，如果有關車輛是非法取酬載客，首次被定罪可以罰款1萬元及監禁6個月。
78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞
