一線搜查｜寄養導盲犬惹糾紛　機構批對方拒交還　寄養方：我根本冇做錯

導盲犬對視障人士是好幫手，當牠們未接受訓練前，往往都靠寄養家庭照顧，早前有寄養家庭與導盲犬機構發生爭拗，結果搞到報警收場，警方更上門強行將狗帶走。

安排狗隻繁殖變爭議　寄養家庭：產後未獲探視

2021年9月，Paul與Mary成為寄養家庭開始照顧狗女Ginger。Mary指Ginger性格溫順黏人，「你去邊佢就跟到邊，你瞓覺佢都喺隔離，見到佢就覺得快樂」，二人照顧Ginger約一年多後，於2022年底獲機構告知，因要安排繁殖將接回Ginger。Mary對整個過程存有疑問，「配種後沒說清楚有否成功受孕，當知道已經受孕後，又話差不多到產期要將狗女帶走」，她又批評，機構未有按慣例讓狗女產後返回寄養家庭，亦沒有透露所有有關生育事宜，曾多次向中心追問「生咗幾隻？係咪順產？」但對方未有回應。直至2023年中、即五個月後才獲准探視，卻發現Ginger被關在狹小空間「安胎」。

機構要求交狗終報警收場　Mary：根本我冇做錯

夫婦聲稱Ginger產後不久，機構已要求交還狗隻，安排牠接受導盲犬訓練。Mary指，起初職員表示有分離期、會預先通知，讓離別時有心理準備。雙方就此爭持近兩個月，去到2023年9月機構終決定報警。Mary批評對方強行將Ginger帶走，自己更被指涉嫌干犯盜竊罪遭警方拘捕，令她很不解，「成個屋苑見到我俾警察拉，點解要受呢個恥辱，根本我就冇做錯嘢」，兩人直言雖然掛住Ginger，但已無計可施，「我當佢死咗、無辦法，希望佢來世唔好再做導盲犬」。

機構稱已褫奪寄養資格　專家：導盲犬違動物本性

機構回應指，夫婦二人拒絕按協議條款交還狗女，已褫奪對方寄養家庭資格，又稱當時已安排一個月的分離期，而在約定交還狗女當日，中心職員登門卻無人回應，此後對方亦多番拒絕交還狗隻，中心只好被迫報警。又稱Ginger目前正接受導盲犬訓練，但兩人行為令訓練工作被顯著耽誤。

非牟利獸醫服務協會執行主席麥志豪表示，相關爭議非首次出現，此類犬隻本性為「伴侶犬」，若然嘗試將牠變成「工作犬」則相當麻類，因為牠已與寄養家庭有感情、已成為「伴侶」，「點可以拆散伴侶、拎隻狗去返工」。他批評導盲犬違反動物本性，又稱可用「導盲人」替代導盲犬，會比由零開始訓練狗隻成為導盲犬更為慳錢。麥志豪指同類事件時有發生，社會應檢討有關問題，「哪方贏或輸，最大輸家一定係狗隻」。

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞