一線搜查｜天花漏水投訴無門 揭樓上法團主席單位爆喉 業主拒認責挑機：我仔女都係律師
不論買屋或租屋，最怕遇到漏水問題。《一線搜查》日前接獲觀眾陳生的投訴，指住所客房出現滴水，懷疑是樓上單位引起，然而事件擾攘一年，滲水辦卻以一句找不到源頭便結案。陳生最終要自行尋找專家上門調查，而專家的報告不但鎖定了漏水位置，更估計了漏水原因，然而樓上單位業主原來是大廈法團主席，對方不但拒絕負責，更揚言「香港地用錢解決問題！一係去法庭同我鍊過，我個女係律師、我個仔係大律師」。
客房滴水 天花板現300隻蟲
「其實都係一件好慘嘅事，有家歸不得，啱啱自己小朋友出世，見到咁嘅情況根本上都搬唔到返嚟住。」屋主陳生約7年前搬入涉事單位，大廈樓齡約30年，當時發現單位喉管鋪設混亂，搬入時曾花費一大筆錢裝修，「大廈水管設計比較特別，好多水喉、電線喉都係經地下通過，嗰陣時我都覺得奇怪，點解會有水喉係地下，即係由客廁駁去主廁。嗰陣時自己都花費咗差唔多30萬改晒喉管，裝返喺大廈外牆，始終驚有一日會老化破裂、影響樓下。」
至前年年底，陳生發現單位客房出現滴水，情況更愈來愈嚴重。先是客房天花板滴水，其後沿著天花板流至門框，更蔓延至另一房間天花板。短短兩周，天花板滴的水已經裝至半碗。陳生無奈指，「天花板濕到生蟲，最嚴重時有超過200、300隻，噴咗殺蟲水先少啲」，不過小朋友仍然沒法入住，而為了小朋友健康著想，一家人惟有搬走。
否認樓上漏水 管理處：你單位潮濕
發現天花板滴水後，陳生已即時通知管理處，希望聯絡樓上單位業主解決。然而管理處派員視察後，認為滴水是由於陳生單位潮濕引起，與樓上單位無關，而樓上單位地板亦無任何爆水管跡象。陳生指，樓上單位業主曾表明願意為其維修髹油，惟至今年1月突然反口，對方更聲稱稱自己單位並無漏水問題。
耗時十個月 滲水辦以沒法確認原因結案
陳生只好向滲水辦求助，惟單單通知、排期及上門檢查已經耗時十個月，然而最後滲水辦及房屋署均沒法確認漏水源頭。水務署調查結果指，觀察樓上單位水錶30分鐘，沒有出任何流量，根據有關結果，無跡象顯示該單位有明顯滲漏導致浪費供水，個案會轉交滲水辦調查。至於滲水辦就指，合約顧問公司到樓上單位進行第三階段滲水調查和測試，包括蓄水測試以及灑水測試，仍沒法確認滲水原因，唯有按既定程序暫停跟進有關個案。
屋主自尋專家測試 報告指樓上浴室出問題
陳生：「見到政府部門話無證據顯示，但其實我單位一直漏緊水，你冇證據顯示唔代表冇漏水，其實理應自己地方，你都係業主，大家都係自住，你都有責任維護自己屋企。」擾攘一年，滲水辦仍未能尋獲源頭便宣布結案，陳生唯有自行尋找專家上門調查，約一星期後報告出爐，指陳生單位主人房及客房出現漏水，是由於樓上單位的浴室及走廊供水管破裂而滲入地板。另外，專家在樓上單位的外牆亦發現渗水，而滲水原因是由於浴室不斷有水漏出，而並非因外牆或公用管道引起。
滲水專家Tony經過微波斷層測試後表示，在其中一間房的天花板找到2、3處表面濕度高達99%的地方，認為在香港連續3星期沒有下雨的情況下，爆水喉的機率高達99.9%。
維修費用逾9萬 屋主嘆好慘：有家歸不得
Tony更發現涉事單位的樓板較薄、僅10厘米，因此當樓上爆水喉時，水會沿著鋼筋及電線進入房間，繼而在較薄的地方滲出，「香港成日發生呢啲事，但好多人唔明點解房會有漏水情況，好多時以為係外牆。永遠都要睇數據，水係唔係由外面入嚟，如果做完微波斷層測試，水唔係由外面入嚟，而係反方向嘅話，就一定係室內漏水。
報告更詳細列出維修費用，包括拆天花、塗防銹油、批盪、更換生銹鋼筋等，估計要9萬多元。陳生坦言，現時有家歸不得，希望樓上業主盡快維修，讓他們能夠回復正常生活。
樓上業主拒認責：去法庭同我鍊過 我仔女都係律師
不過，樓上單位業主原來為該大廈的業主立案法團主席，他接受《一線搜查》訪問時指：「呢個大廈到今日，（我）都係主席，好唔好？我同你講嘅嘢都係千真萬確嘅真，如果經過3個政府部門（結果）都係咁樣，你要上法庭，我咪攞呢三個政府部門嘅信出嚟。如果你有專家，你咪叫專家出嚟，睇個官信私家專家定係信屋宇署專家？」
他更寸爆稱，「香港地用錢解決問題！一係去法庭同我鍊過，如果佢鍊得贏，佢鍊唔贏，我律師費都係佢嘅！嗱，我個女係律師，我個仔係大律師，嚟呀，嚟，歡迎！」
《一線搜查》HOY TV77台
播出日期：逢星期一至五
播出時間：20:00-20:30
78台 22:30重播
WhatsApp報料熱線：68960931
節目重溫請＜按此＞
