一線搜查｜漫畫店見證黃金時代　高峰日租數百本　隨彩虹邨清拆：適當退出時機

在網絡還沒盛行的80年代，香港漫畫可以稱得上是百花齊放，更是亞洲少數擁有自己漫畫文化的地方，各區一度合共有逾300間漫畫店，有高達50多萬的讀者群。然而時至今日，舊式漫畫店越來越少，走向夕陽。

張氏夫婦是在漫畫黃金時代入行，90年代已經開設漫畫店，提供港日漫畫出租及售賣服務。最熱鬧時期，學生一進入店舖便自覺將書包倚牆放一旁，再慢慢挑選心儀的漫畫。然而隨著租書業務沒落，漫畫店亦由過去最高峰一日租出數百本，減至現時一日十多本。

「數字嚟計，漫畫都入咗7至8萬本，有啲都已經淘汰。」張生說，店內任何年齡層的顧客都有，不同時段更有不同的客群，「小朋友有佢哋睇嘅種類，成年人、老人家都有佢哋年齡層嘅喜愛。朝早一開舖係買餸嘅街坊、公公婆婆睇小說；中午就一班返工食午飯嘅人；輪到下午3點就一班學生放學，好多（學生）湧入嚟；到夜晚就係一班收咗工嘅顧客。」

開設漫畫店的路上，張生及張太亦曾遇過不少波折，經歷過兩次搬遷，但仍留下不少「長情」顧客。張太:「佢哋中學會考完就嚟九龍城租漫畫，我哋搬去龍翔中心，佢（客人）話仲近啲；到搬嚟彩虹邨，佢話仲近佢屋企。租到而家，而家都租緊，咁長情，我哋去邊度，佢就嚟邊度。」

而隨著彩虹邨清拆重建，漫畫店亦要結業，若房署未再續約，租約至今年3月便約滿。說到結業，兩人最不捨的便是顧客，張太受訪期間一度難忍悲傷落淚，說「就算我哋而家唔做，最唔捨得係班客。我內心成日好感謝佢哋，咁多年嚟幫襯我哋。」張生亦指，「有啲（客）由細睇到大，到而家結咗婚亦會帶小朋友過嚟回憶。」

經歷過兩次的搬遷，張生及張太坦言不再考慮第三次搬舖，「唔諗啦，搬一次係好傷，體力亦都唔到我哋再起返一間漫畫店。」至於店內的數萬本書，兩人打算出售或送贈顧客。

張生坦言，自己經歷了香港漫畫時代的最高峰、最蓬勃的時期，直至沒落，縱然覺得可惜亦無辦法，「呢個係大勢所趨，可以出去行下，唞下先」。張太亦指，「時代嘅巨輪喺度走，彩虹邨又拆，我哋年紀又大，可以順水推舟退休，一個適當嘅退出時機。」