一線搜查｜炮台山街坊投訴露宿者僭建霸街20年　七旬無家者吐心聲：寧願瞓街都唔上樓　

根據政府統計署數字顯示，2023年全港露宿者人數有1,470人，比疫情前2019年的1,348人升幅近一成。近日《一線搜查》接獲炮台山街坊反映，指福元街天橋底長期有露宿者居住，堆滿雜物，不但阻礙行人，更影響環境衛生。不過有露宿者就坦言，寧願留守街頭亦不願住公屋。

現場可見，福元街天橋底放滿物品，除了有床、枱及櫈外，更有不少雜物，包括紙皮、袋、手推車等。現場環境衛生一般，但未有傳出異味。而附近亦有不少食肆林立。

有食肆負責人表示，露宿者居住福元街天橋底的問題已經持續很多年，「以前呢到可以俾人坐，好舒服。有時啲客投訴點解對面咁多雜物、有時見到佢咁多嘢咁亂，見到好多老鼠。（有冇試過畀食物佢哋？）冇冇冇。（佢哋有冇問你哋？）冇冇，佢自己攞錢出嚟買，唔會俾野佢食，因為好多義工都有畀嘢食佢。」

「年紀大、70幾歲，冇人敢請，靠綜援，食3餐都要100元」。有露宿者向《一線搜查》表示，平日自己與另一名露宿者阿昌居住在福元街天橋底。他坦言自己因為年紀大沒法工作，平日靠綜援及好心人送贈食品過活。

他又透露過往曾有5名露宿者獲安排入住公屋，但自己並不願上樓。「我哋唔想上樓，上樓一個人住，年紀又大，一有事冇人知，過世成個月都冇人知，身體發臭先有人知。年紀又大咗，唔上（樓）好過上。（其實呢到係你哋可以守望相助嘅地方？）係呀，有咩事都有人知嘛。」

東區區議員阮建中透露，福元街露宿者僭建霸街問題已經持續近20年，需要政府跨部門處理，「以2024年嚟講，跨部門處理已經幫露宿者清理超過3噸雜物。現時見到的雜物堆積情況已經較高峰期少了超過一半。佢哋（露宿者）會慢慢累積唔同嘅雜物，其實對該區環境衛生、甚至行人流通度也有很大影響。」

他坦言，食環署雖然能解決環境衛生方面問題，但真正解決露宿者的需要，則依靠社會福利署派外展隊逐一個案跟進，協助他們上樓等。「繼續留守街頭其實都係佢哋個人選擇，作為政府部門及區議員可以協助佢哋搵個容身之處，但如果經協助後佢哋依然寧願留守街頭，我哋都尊重佢呢個選擇，但作為區議員我最關注係佢哋決定留守，但清潔方面唔應該堆積咁多雜物呢？因為你而家嘅行為係影響整個社區及街坊。」

自2024年1月至10月期間，民政事務處已經協調社會福利署、食物環境衛生署、地政總署及警務處，進行19次跨部門聯合行動，以降低露宿者對居民及社區環境的影響。

政府表示，各部門一直有緊密合作，致力支援露宿者，協助他們盡快脫離露宿生活。而民青局局長麥美娟早前表示，街頭露宿是一個複雜的社會問題，不能單純從環境衛生角度處理。