一線搜查｜康文署健身室月票改預約制 長者批麻煩、缺乏彈性 議員：打擊市民運動積極性
過往有不少長者購買康文署健身室月票後，只要場地未滿便可直接進入健身室內使用，遇到人多的時候只要在健身室外排隊便可。而康文署健身室自去年11月起亦要透過SmartPLAY系統預約場地，新措施下，不論是月票或時票都必須預先預約才可進入健身室。然而不少市民投訴新系統不但未有解決黃牛黨的問題，而預約過程麻煩、缺乏彈性的安排反而帶來不便。
「好多長者都覺得唔方便，以前就咁入嚟玩就得，而家又要咁多步驟，又要上去用SmartPLAY機預約場地，再去健身室簽場機簽場，多咗好多功夫。」長期購買月票的趙太，一周約做3次健身，對於新制度她認為太麻煩，令做運動都提不起勁。
現時SmartPLAY預約單位以小時計算，趙太批評安排沒有靈活性，而且浪費資源，「如果我遲嚟或早走，變相嗰個時間空咗，冇咁多人次享用到囉。」她又坦言：「如果唔係要咁嚟預約，我都唔知道原來SmartPLAY咁差，佢做唔到離場功能，而家仲要人手剔月票、時票。特別長者，唔夠膽預約，都係要即場嚟。好唔方便，撳好多掣，部機字體又細，好難睇。」
不過，亦有市民認為通過SmartPLAY預約反而更方便。梁小姐：「方便咗好多，以前呢到比較多人，成日要排隊，試過坐係到排40分鐘。」她又說，部分即場排隊健身的人並非認真運動，反而坐在旁玩電話，甚至睡覺，認為現時需要預約的人士更為認真。」
根據康文署規定，預約時段沒有取消、又未有出現，會被紀錄在案，60日累積2次，就會暫停預訂資格90日。梁先生直言不方便，「因為變咗唔能夠隨時預約時間，要預先一個星期前預約，有時未必咁啱知道自己時間表會點。譬如我可能收工後，要6點半到，我預算做到8點完，我只係個半鐘。咁前半個鐘其實可以畀其他人用，唔使浪費半個鐘時間趕住嚟簽到或者遲到，可能有懲罰入唔到去。」
立法會議員陸頌雄亦指，接獲小部分市民反映，指現時康文署安排缺乏彈性，「我覺得而家第一係預約後唔可以一日內取消，或者提早走又冇得釋放時間出嚟，彈性差啲」，直言安排打擊市民做運動的積極性，因為健身係個人化運動，而且有時諗起有時間，不如落去做一個鐘。如果一定要提早預約，會造成不便。」
他又說會約相關部門或委員會提出建議，亦希望署方在制度上作出調整。「我諗關鍵係政府要不斷調整政策，政府可能想所有設施按預約原則去做，未必考慮實際情況，或可能因應個別地區繁忙程度亦有不同，認為現時實施一段時間後，希望署方收集用家的意見，將健身室預約、特別月票方面做調整。」
而康文署回覆《一線搜查》查詢時表示，2024年1月至11月期間共收到約100宗有關健身室預約的投訴，一直密切注視有否濫用預訂的情況。署方又指，由於新安排為實施初期，部分月票持有人可能需要較多時間熟習透過SmartPLAY預訂，所以會採取較寬鬆的處理方法，酌情暫緩對違規人士的相關罰則。
發言人又指，新安排的優點是月票持有人可隨時透過SmartPLAY查看健身室的段節餘額，從而制定健身計劃，並預訂設施以減省排隊輪候時間。如果月票持有人預訂時段，但遲到入場，並不會視作「不取場」；而取場後，合理使用餘下的預約段節及提早離場，亦不會視為「沒有在場使用設施」。
另外，署方又指，正積極研究調整健身室月票即日取消預訂的設定，理解市民需要時間適應和使用有關新安排，會繼續宣傳工作，蒐集意見，適時檢討措施成效以作出優化。
《中國海外呈獻：一線搜查》HOY TV77台
播出日期：逢星期一至五
播出時間：20:00-20:30
78台 22:30重播
WhatsApp報料熱線：68960931
節目重溫請＜按此＞
