一線搜查｜葵芳麗瑤邨街市十室九空　僅剩一間菜檔　街坊被迫跨區買餸

衣食住行是生活中不可缺少部分，當中飲食更是最重要的一環。不過，有調查顯示市民對房委會街市的滿意度未達合格分數，當中有街市因為管理問題失當，導致一班街坊要捱貴菜；甚至有街市「名存實亡」，大部分店舖已經清拆，只餘下一個菜檔，街坊被迫跨區買菜。

監察公共屋邨福利規劃聯盟在9月中至10月中期間進行問卷調查，了解市民對房委會街市的滿意度，以10分為滿分，平均只得4.3分，未達合格分數。當中位於粉嶺的新公共屋邨皇后山邨，雖然新街市乾淨，但不少街坊認為街市檔販選擇少、價錢又偏貴，寧願跨區買餸。

有街坊透露，上水街市的價格較皇后山邨街市便宜，因此會特意前往上水購買，「呢到貴又唔靚，仲冇得揀，一份豬肉係上水買至少平$20，呢到買$78、嗰到買$48。（特登去上水買餸會唔會覺得辛苦？）梗係啦，你睇我（啲餸）咁重！」另一名街坊亦反映，皇后山邨街市選擇不夠，僅兩個魚檔，如果買海鮮或肉時，會前往上水或粉嶺的其他街市購買，通常價錢較便宜10至20多元。

而接近最低分的葵涌麗瑤邨街市，更是十室九空，店舖紛紛落閘，未有營業。有街坊透露，麗瑤邨街市曾經有不少檔攤，惟大部分已經清拆，只餘下一個菜檔。有街坊坦言平日前往葵芳買菜，「呢到乜都冇，得個菜檔」。

另有街坊無奈指，麗瑤邨街市沒有選擇，平日只能到荃灣、深水埗或葵芳買菜，「出深水埗搭車都要45分鐘，來回都要一個多鐘，如果等車更加（耐）。（對長者嚟講會唔會好辛苦？）辛苦，不過依家仲行得走得，都可以。」

監察公共屋邨福利規劃聯盟成員吳堃廉表示，在調查過程中，發現不同屋邨都有數個共通點，當中最多街坊認同的是選擇少。他解釋，不少屋邨街市，特別是舊邨，整個街市有數十個檔口，但開檔的僅不足五成或更低，甚至在房屋署資料上，部分出租率高達八至九成，但可能好多被用作存倉、儲物，或其他用途，而實際真正在出售新鮮食物的檔口非常少，「唔少街坊反映街市入面得一檔菜、一檔魚、一檔肉。大家想像到流轉性係少嘅時候，佢哋唔夠選擇，冇新鮮食物食，最後就會跨區，甚至返大陸買餸。」

吳堃廉建議房屋署除了可以減少街市租金，令更多人有興趣入場做檔主外，亦可考慮對街市進行翻新裝修，或加入熟食檔等，帶旺街市。他又說，街市是公屋配套一部分，認為要給予市民一個價廉物美及有舒適環境的街市，正是回應現時幸福屋邨的一部分。

《中國海外呈獻：一線搜查》HOY TV77台
播出日期：逢星期一至五
播出時間：20:00-20:30
78台 22:30重播
WhatsApp報料熱線：68960931
節目重溫請＜按此＞