網絡熱話｜母親錯手丟棄離世胞妹遺物 港男每隻公仔重酬$2,000 一年後交代進展
【有線新聞】儘管家人離世，但留下的遺物承載著與親人的回憶與感情。有港男在一年前發文，指母親不慎丟棄了多隻胞妹生前心愛的公仔，決定出高價購買同款公仔，以紀念離世十年的妹妹。事隔一年，事主再發文交代最新進展，指當中3隻分別各用1,500元至2,000元購得，亦有部分由好心網民送贈。另外，他再加碼重酬，部分公仔由2,000元加至5,000元。帖文再度引起網民關注，有人留言祝福、亦有人認為2000元一隻二手公仔是天價，斥「乘人之危」，另外亦有人鼓勵事主要學懂放下。
妹妹十年前離世 媽媽誤丟公仔
該名港男一年前曾在連登討論區發文，透露胞妹在10年前離世，遺下約30隻公仔。他憶述，這些公仔載滿了兩兄妹的回憶，「細個時會拎佢哋嚟教妹妹做功課同埋氹佢，亦成日同妹妹一齊講啲公仔嘅嘢，佢哋每一隻都有自己嘅名同埋性格，喺我同妹妹心目中，佢哋唔係公仔，而係動物」。
在妹妹過身後，事主一直將公仔放在自己的床頭，每當看到時便會想起與妹妹的點滴。然而，由於數目太多加上公仔日漸殘舊，媽媽多次提出要丟棄，事主最終將所有公仔以黑色膠袋裝起，並收入櫃內珍藏，每當掛念妹妹時，便會取出睹物思人。未料，媽媽一次在收拾妹妹遺物時，不慎連同裝有十多隻公仔的黑色膠袋一同丟棄。
事主自責陷抑鬱 重酬$2,000徵同款公仔
自此，事主一直陷入自責及難過的狀態，甚至出現抑鬱症狀，「一諗起唔見咗啲公仔，就覺得好傷心、好對唔住妹妹。妹妹以前問過我，如果火燭嘅話會唔會帶埋啲公仔走，我嗰時就（答）會，但竟然親手將佢哋放落膠袋，然後幾年後媽媽掉走佢哋。」
事主一度希望尋找公仔廠重新製作，然而大部分公司要求最少訂500隻，部分公仔更因未有留下照片，難以實行。最終，事主決定出2,000元聘請2D或3D繪圖高手，根據他的口述繪畫出當年的公仔。另外他亦貼出一張放滿公仔的照片，並出價2,000元一隻，向網民購買同款公仔。
一年後出文交代進展 部分公仔加碼標$5,000重酬
而事隔一年後，事主今日（28日）再度在連登討論區發文，交代這一年重酬徵公仔的進展，指當中有3隻公仔「失而復得」，其中一隻綿羊公仔是以2,000元從網民手中買入、至於另外兩隻分別是由熱心女網民送贈及在二手網店購買。另外，他更成功尋獲5隻與妹妹同款、但並無遺失的公仔，當中兩隻是樓主分別以1,500元及2,000元購買，其他則是熱心網民送贈。除此之外，事主更獲網民協助畫圖，成功找公仔廠複製出小狗公仔。
除了交代進展外，事主又在帖中感謝幫助他尋覓公仔的熱心人，又指不少人勸他去做心理治療，「我有去，但我覺得最可以令我釋懷嘅方法始終係搵返啲公仔，所以我會繼續努力」，並呼籲有同款公仔的人士與他聯絡，形容「佢哋（公仔）係我同妹妹重要嘅回憶」。而根據其最新上傳的公仔合照，可見有部分公仔再度加碼，被標上「$5,000」重酬。
網民留言打氣 斥收$2000是乘人之危
帖文再度引起關注，不少網民留言為事主打氣，「事隔一年再睇都係好感動，你係一個好哥哥，一定可以搵得返晒㗎」、「估唔到一年後有後續，希望有人睇到會幫到手」、「恭喜你搵返咁多」;不過亦有人斥2,000元一隻公仔太貴，「收樓主$2,000個啲人真係…」、「畀我都唔好意思收足，收$500乜都夠啦」、「乘人之危」。
但有人就認為「咁呢個世界冇咁多免費善心，有人肯賣已經好好」、「個價開咗係到，幫你係人情，重要隻公仔都係人哋經歷嘅一部份，肯賣畀你算好加真係有心幫你」。另外亦有網民就認為事主太過執著，勸喻對方要學懂放下。
