網絡熱話｜的士司機疑人有三急　燈位前停車就地解決惹熱議

【有線新聞】網上流傳一段影片，有的士司機疑在燈位前停車，當街小解。影片引起網民熱議，不少人批評的士司機行為缺德。

據facebook「車cam L(香港群組)」的片段顯示，事發日期為本月5日晚上約8時，地點相信為將軍澳工業村。片段開始時見一輛的士停在燈位前，的士司機亮起「死火燈」並打開車門落車，該的士司機向尾隨車輛司機舉手「耍冧」示意，便轉身背向，疑隨即當街小解。當時剛有一名男子騎單車駛至，但似未發現的士司機的行為。

尾隨車輛上的人士不滿的士司機舉動，稱「你老鼠，你唔係喺度屙尿呀嘛？」，另一男子則說「咁都得呀！咁X急呀」。由於燈號已轉為綠燈，尾隨車輛切入慢線駛走，並向的士司機稱「師傅，你好嘢！」，的士司機則回應「係呀係呀！急起上嚟……」，影片到此結束。

網民對該位的士司機行為議論紛紛，「就算真係急到瀨你都可以駛埋一邊，點都唔應該喺快線屙啦！」、「其實過咗燈位行多幾百米有個巴士站有廁所，同埋應該帶定膠袋、膠樽，自己車內搞掂。」、「自己個膀胱都控制唔到……仲點會旨意佢控制到架車」，亦有網民認為「可以分開告，報案公眾地方行為不檢，報食環公眾地方便溺，報交通無故停車不依照交通燈號，飽哂。」