網絡熱話|港媽輕鐵內狂掌摑女兒遭正義乘客勸阻 爆粗狂鬧:你睇住你自己啦
![網絡熱話|港媽輕鐵內狂掌摑女兒遭正義乘客勸阻 爆粗狂鬧:你睇住你自己啦](https://icable-prod.s3.ap-southeast-1.amazonaws.com/wp-content/uploads/2024/06/03221841/20240603_ABUSE.jpg)
【有線新聞】不少研究表明,暴力管教、體罰或會對小童的身心發展造成不可逆的負面影響。近日網上就流傳一段影片,輕鐵車廂內有女子疑不斷掌摑女兒,有男乘客不值其所為,出言制止,怎料反遭女子以粗口狂鬧。
![](https://icable-prod.s3.ap-southeast-1.amazonaws.com/wp-content/uploads/2024/06/03202411/1-5.jpg)
有網民日前在社交平台發文,指前日(1日)下午約5時乘搭輕鐵時,看到車廂內有女子打罵女兒,「個女人一上車就大巴咁打個女,一路打一路鬧,個細路女已經喊晒,個女人仲要打佢。有個男乘客睇唔過眼話佢,佢就鬧埋個男人,個女人把聲超級吵耳,如果唔係個男人出聲,可能個細路女會由上車打到落車」。
![](https://icable-prod.s3.ap-southeast-1.amazonaws.com/wp-content/uploads/2024/06/03202428/3-3.jpg)
根據根約27秒的影片可見,一名身穿淺色上衣的女子站在車廂中間位置,與一名男子對罵。期間男子表示:「你睇住個女啦,你係阿媽嚟㗎,唔睇住個女?」、「你扶住㗎車(嬰兒車)啦」,女子情緒激動手指指反駁「你睇X住你自己啦!」,並不斷以粗口辱罵對方。隨後男子批評「你點做人阿媽㗎」,女子則反擊「咁你點樣做人啊你?」而在兩人口角期間,坐在嬰兒車上的女童已經停止哭泣,靜靜觀望兩人爭執。
![](https://icable-prod.s3.ap-southeast-1.amazonaws.com/wp-content/uploads/2024/06/03202437/4-2.jpg)
影片吸引不少網民關注,有人留言斥責該名女子的行為,「報警,虐兒,背後都唔知點虐待個女」、「真係要由細打到個女大?咁不如將個女暫時性放係福利院好過」、「呢啲女人為人父母真係要考牌,個小朋友做錯咩要咁打?感到被辱之餘仲會令小朋友心靈受到傷害」、「可憐小孩」;不過亦有不少人關心該名女子的情緒問題,擔心她是否患有產後抑鬱。