車CAM直擊｜天水圍貨車打橫路中落貨　突放尾板私家車險遭劏開

【有線新聞】司機駕駛要打醒十二分精神，留意路上突然出現的殺人陷阱！網上流傳一段車cam片段，一輛貨車在天水圍行車線中間突放下尾板落貨，從後駛至的私家車幸好及時避開，否則可能遭尾板劏開。

片段所見，一輛密斗貨車在天水圍天美道近天水圍警署對開，轉彎駛入一間幼稚園。但貨車司機並無把貨車完全駛入校內，仍有一半個車身橫亘馬路，司機更將尾板放下落貨。期間一輛白色私家車從後駛至，幸及時避開，但側鏡已被尾板撞碎。

意外發生後，貨車司機亦走到尾板查看，而白色私家車亦有倒車，片段完結。

警方指，昨日（27日）下午4時37分接獲報案，指一輛輕型貨車在天水圍天美道放下尾板落貨時，被一輛私家車側鏡撞到，事件暫列作「交通意外無人受傷」。

不少網民批評貨車司機做法危險，「同放把刀落嚟無分別」、「根本就係一把斷頭台」、「（貨車司機）應該停牌，害死人」「（貨車司機）封咗條線已經係死罪，仲要開尾板意圖襲擊其他道路使用者」。