政經CHAT｜鄧炳強自爆曾「肥佬冧班」　勉勵應屆DSE考生遇挫折不要放棄

【有線新聞】中學文憑試7月中放榜，保安局局長鄧炳強出席一個分享活動，自爆曾經「肥佬冧班」，但最終堅持下去，結果以最佳學員成績畢業，他鼓勵考生遇到挫折不要輕言放棄。

鄧炳強在分享會上表示，大家可能覺得他好成功，先後擔任警務處處長及保安局局長，但其實中間經歷不少挫敗。他透露，大學畢業時投考督察，要每兩至三個月考試，如果有一科不及格都要留級，「我以前讀書都唔差，三甲之選，但其中一次實務考試，題目問有個賊走咗入叢林，應該點做？我好簡單就話去追囉，原來錯晒，係要包圍森林搜索捉賊。」

結果鄧炳強因實務試「肥佬」而要「冧班」。他當時有考慮辭職，「我係咪唔適合做警察呢？明明以前讀書唔差，搞到要冧班好似好醜，諗住辭職返港台。」

鄧炳強後來得到一位同輩鼓勵，打消辭職念頭。對方提醒他成為警察不是為攞獎，是為了捉壞人，「是否考第一，還是冧班無所謂啦，最緊要做個好警察」。結果鄧炳強在畢業前的6科考試中，科科都考第一，以最佳學員成績畢業。他鼓勵應屆文憑試考生不要輕言放棄，並要心存「希冀之心」，相信「天生我材」；在努力過後，以平常心面對放榜。