網絡熱話｜不滿太遲改發紅雨、冇理新界雨量　網民湧天文台FB留言：指標只放港島？

【有線新聞】受到低壓槽影響，本港今日（21日）廣泛地區有暴雨，天文台先後發出黃色及紅色暴雨警告信號。惟有網民不滿意天文台的安排，甚至湧入其Facebook專頁「洗版」，質疑天文台太遲改發紅色暴雨警告信號，未有理會新界區的實際情況，留言直指「水浸都係黃雨，我游緊水啦」。

天文台在今早10時發出黃色暴雨警告信號，維持約5小時，新界部份地區錄得超過70毫米雨量。其中大嶼山、南丫島、元朗及屯門等地今早迎來特大暴雨，大嶼山南部雨量一度超過170毫米。

至下午2時50分，天文台改發紅色暴雨警告信號，並指大雨正逐漸影響港島及九龍，根據現時情況，是否需要發出黑色暴雨警告信號，要視乎該雷雨區的發展。然而有網民不滿意天文台安排，紛紛到天文台Facebook專頁留言「洗版」，質疑指「新界牛游晒水最多都係黃（雨），市區一大雨就轉紅（雨）」、「大雨落去港島就坐紅望黑，落喺新界就黃到尾」、「新界區落咗成日都唔掛，你個指標係咪淨係放係香港區㗎」、「啲雨大到倒水咁，你哋都錄到超過70毫米雨量。黃雨都冇個。大嶼山都有人住㗎，都有幼稚園有學生的」、「水浸都係黃雨，我游緊水啦」、「屯門一滴雨都無時先嚟掛紅雨，真奇怪」、「不如你哋改名叫只限港島九龍天文台啦」。

亦有人留言指「超過70毫米就應該要紅雨啦唔係咩？」，其他網民則回覆：「70係黑雨，但要廣泛地區（其實市區有就得，新界一向忽略）」；另有網民則建議「有冇考慮可以局部掛黑雨呢？基於每個地區天氣有差異，冇理由只因局部地區黑雨就忽略，要佢哋繼續冒住黑雨出去返工」。