網絡熱話｜食肆改用木餐具、紙製品　網民紛紛曬圖呻難用：下次打算用手食

【有線新聞】「走塑」第一天，不少食肆外賣已改用木餐具或紙製品代替。惟不少網民在社交平台發文大呻使用紙匙羹或木匙羹體驗不佳，難以適應。

管制即棄塑膠產品即日起生效，引起社會關注，有網民更於月初便在社交平台Facebook開設「422『齊走塑』環保消息關注組」群組，供網民討論。有網民今日（22日）在群組上傳影片，批評食店所提供的紙匙羹難用，即使嚴重變形，亦沒法成功舀起糯米飯，更直斥「直情係3次傷害，30蚊買個勁的糯米飯，入面同無料無咩分別，其次個匙羹插唔入，下次打算用手食 」。

有網民就抱怨有食肆使用紙碗，當外賣送抵時紙碗已被湯浸泡至變形，直言「嚟到已經溶晒，嘥咗個外賣環唔環保啊」；亦有網民購買熱粥外賣，惟餐廳提供的木製匙羹尺寸較細，加上設計扁平，難以進食，怒斥道：「明明幾個字可以食完，依家咁搞法食到幾時呀！離曬譜呀真係！你估食雪糕呀！」。

另外，有網民用紙叉進食腸仔麵時，同力一「拮」，紙叉尖端位置已即時變形，直言「咁搞法，餐飲業執晒笠，都未可以環保」。甚至有食肆堂食的酥皮湯亦使用紙碗裝著，有網民怒斥「放低五分鐘已經涷哂…都唔知邊個天才發明！」

不少網民紛紛留言，指「食餐飯好似被人玩咁」、「以後自己預備餐具」、「回到讀書時，每日帶套餐具返學，午飯時拎出來用，用後帶回家清洗，第二天又帶返學」、「一，唔好買外賣；二，自備餐具；冇第三條路選擇。」