政經CHAT｜肥媽被找晦氣？　謝展寰踩場教慳錢用盡指定袋

【有線新聞】肥媽（Maria Cordero）早前拍片狂鬧垃圾徵費「垃圾」，環境及生態局局長謝展寰近日突擊「踩上門」找肥媽，難道要找晦氣？原來他親自向肥媽解釋政策，又教她如何做好分類回收，慳錢用盡指定垃圾袋。

垃圾徵費延至8月推行，肥媽上月拍片怒斥政策「垃圾、黐線」，並指「唔畀用黑色膠袋，用錢買綠色膠袋才合法，跟環保背道而馳」。她又指不少人居住環境狹窄，難做到垃圾分類，政府不應對市民製造更多問題。

不過，謝展寰同肥媽似乎並無因此「結怨」。「大嘥鬼」專頁上載影片，片中見到肥媽在路上突然被謝展寰截停，她還以為被找晦氣，原來謝展寰是想向她解釋清楚政策，肥媽即時話：「咁你即係話我唔清楚啦！」局長見肥媽手上的指定垃圾袋，發現內裡裝了不少可回收的垃圾，就帶她到「綠在區區」進行分類回收，又教她如何兌換糧油、飲品和指定垃圾袋等禮物。

之後兩人又去到公屋的廚餘機，謝展寰向她介紹廚餘機除臭殺毒，又可以賺取「綠綠賞」積分，鼓勵將廚餘回收。肥媽說香港有700多萬人，廚餘機不夠用，謝展寰說正擴大網絡，日後除了公共屋邨，私人樓宇亦可向政府申請安裝。

肥媽最後提出「私人問題」，指家中養了6隻狗，每日「12篤狗屎」應如何處理？謝展寰教路，可用售價3毫的3公升指定袋盛載，「裝狗屎咪唔使咁貴囉」，謝展寰希望市民可改變習慣，「揼少啲、慳多啲」。