英格蘭聯賽盃四強　富咸1比1利物浦　兩回合2比3

【有線新聞】英格蘭聯賽盃四強次回合，利物浦作客跟富咸踢成1比1，兩回合贏3比2，會跟車路士爭冠軍。

紅衫的利物浦，守角球驚險不失，柏連拿僅僅射高。

紅軍首回合領先2比1，11分鐘擴大優勢，路爾斯戴亞斯接應長傳，禁區帶橫射入，總比數拉開3比1。想瞄準遠柱，被柏連拿改變方向，蘭奴碰到都入。

上次功臣之一，兩次助攻的達雲紐尼斯，第一時間射中門柱，路爾斯戴亞斯補中，但第一下攻門已經越位，入球無效。

富咸至少要追兩球，攻勢越來越接近，魯爾占美尼斯遠射被撲。換邊後，韋利安大腳傳中，艾達拿拜奧頂另一邊，安達斯彭利拿中柱。

利物浦反擊，人多打人少，艾利洛射太正。對方守衛擋到腳邊，達雲紐尼斯再有機會，轉身一燙，彎過龍門口，自己都難以相信。

倒戈的哈利威爾遜瀟灑扣大位，從未入過聯賽盃決賽，富咸一度見到希望，伊沙迪奧普邊走邊射，76分鐘追近。哈利威爾遜步步進逼，只是遠射過不到基利亞，結果維持1比1。

9屆冠軍利物浦，兩回合贏3比2，繼2022年再跟車路士爭冠軍。