Frankie陳瑞輝34歲生日 入MIRROR全因寶姐一句話 7件事認識皮皮
男團MIRROR成員陳瑞輝（Frankie）7月29日正式踏入34歲，被公認是MIRROR「顏值擔當」的Frankie除了跳舞了得外，飾演ViuTV劇集《IT狗》中的角色「Never」時，更被讚演得入型入格，即睇下文認識「皮皮」的成長之路。
【1】Frankie點解叫皮皮？
雖然大家都知Frankie的花名是「皮皮」，不過皮皮這個名字是如何得來？Frankie曾在短片《MIRROR 100問》中解釋過，因為朋友稱呼Frankie時，只要讀得快便會讀成近似「粉皮」的讀音，後來把「粉」字都省略了，就變了「皮皮」。
【2】被保錡、黃心美表白
Frankie在2018年曾參與ViuTV節目《Good Night Show 全民造星》，當他出場表演時，眾人就表示：「咁靚仔㗎咩？」其他人立即回應：「同意！」而參賽者之一的吳保錡（現任ERROR成員）就趁機向Frankie表白：「好靚仔呀，真係好靚仔，好鐘意佢。」同時，司儀黃心美亦向鏡頭做心心手勢，說：「I like him！」，隨即被另一司儀強尼封為「中女殺手」，可見Frankie魅力十分高。
【3】流淚一幕被譽為「神之眼淚」
樣貌出眾的Frankie在《全民造星》分組賽中，因為落敗而在鏡頭前流下男兒淚，不少網民見到這幕都紛紛大讚是「神之眼淚」，又指他是「喊得最靚嘅男人」，就連節目旁白都表示像極偶像劇男主角。除了ViuTV觀眾外，連登網民亦以「點解frankie成32歲人都可以咁正咁靚仔」為題，出文大讚Frankie「喊都咁靚仔」，帖文獲2685個讚好。
【4】與許廷鏗、Sunny、細龍太有淵源
Frankie小學就讀聖若瑟小學，與許廷鏗是同學，而中學就升讀中華基金中學，與Supper Moment主音陳仕燊（Sunny）是同學，畢業後，Frankie入讀香港理工大學酒店業管理學士，然後入行成為舞蹈員。除此之外，2013年港姐5甲陳偉琪正是Frankie堂妹，其代表作包括《愛回家》中的「細龍太」。
【5】入MIRROR全因寶姐一句話
MIRROR經理人黃慧君（花姐）在節目《調教你MIRROR》中，直指自己在《造星》時沒有留意Frankie，但拍檔寶姐說「Frankie好靚仔，一定要簽！」所以Frankie才會加入MIRROR。花姐曾在節目中狠批Frankie做事不積極，無論是學戲或學結他都半途而廢，但經過「調教」後，Frankie的唱功有很大進步，表演令人喜出望外。
【6】劇內劇外都是金句王
Frankie在《IT狗》中飾演的Never人如其名，經常放負，但又不時爆出搞笑金句，例如「如果生活先將你擊倒，那就躺下」、 「失敗乃成功之後母」 等，Never悲觀之中又帶樂觀的性格，令觀眾留下深刻印象。而現實生活中，Frankie雖然不多話講，但一出聲就語出驚人，因此被其他成員封為「金句王」。
【7】疫情期間窮到問人借錢生活
Frankie在演唱會中自爆在疫情期間，曾一度需要問人借錢過活：「MIRROR就愈來愈好，愈來愈多嘢做，但我自己喺屋企望住四面牆，疫症爆發，我窮到要問人借錢過生活。」但幸好後來疫症好轉，有得接拍《調教你MIRROR》及《IT狗》，並感恩「Never」這個角色教識他如何度過低谷，苦中作樂。
（全文完）
推薦閱讀
常見問題：
問：花姐如何評價Frankie？
答：花姐在節目中狠批Frankie做事不積極… 詳情請睇
問：Frankie如何度過低潮？
答：「Never」這個角色教識他… 詳情請睇
😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life
