尋人記II｜93歲神奇婆婆超前衛 帶頭割輸卵管、教仔女飲酒賭錢！
由方東昇主持的無綫TVB節目《尋人記II》，今集將尋人難道再升級，尋找93歲的「神奇婆婆」胡月華。到底當年因戰亂與朋友失散，後來又因緣份重逢的一班婆婆，現在過得怎樣？即去下文吧！
戰亂失散 靠緣份重逢
30年前，一眾婆婆接受TVB訪問時已經年約60歲，她們憶述在當時大多數人都無書讀的年代，有幸入讀陶秀女子中學，可惜1941年因為日軍攻打香港而被迫分散，不過隨後又因緣重逢。
位置錦田的羅三記醬園，是由其中一位婆婆羅寶芳的家人經營，另一位婆婆買餸時見到羅三記，發現羅寶芳在入面，於是驚喜重逢。而另一位婆婆在搬到紅磡新屋時，竟然發現樓下的就是胡月華，最後成功相認，就這樣，一班婆婆再度聚在一起。
醬料入手 古法尋人
婆婆們年紀老邁，沒有社交平台，應如何入手尋找？方東昇團隊先訪羅三記的旺角門市，卻在街坊口中得知鋪頭已經結業，羅寶芳更一早移民。
於是團隊就決定尋找胡月華，並在網上搜尋發現，2009年有報章報導20對恩愛夫婦獲嘉許，其中一對最年長的夫婦，太太叫胡月華。團隊透過主辦單位找到胡婆婆，並確定是她本人，
大晒超流利英文 霸氣講：I don’t care!
胡婆婆英文流利，皆因爸爸戰後在中電宿舍工作，好學的她不時向宿舍的外國人請教英文。後來，爸爸轉職到半島酒店工作，酒店管家見胡婆婆識英文，就請她任職外國小朋友保母。
胡婆婆在節目分享自己招呼扭計小朋友的方法，就是霸氣回答：「I don’t care!」如果小朋友說自己不喜歡她，她就再霸氣回答：「Me too!」令全場笑翻，甚至連荷里活明星Steve McQueen（史提夫麥昆）都有寫信表揚胡婆婆。
「人哋紮輸卵管，我要割輸卵管」
在盲婚啞嫁的年代，胡婆婆已經實行自由戀愛，與先生在7至8歲時認識，當時一齊玩「煮飯仔」，先生扮新郎，她扮新娘。兩人戰後重逢，然後訂婚結婚，兩人更在報紙刊登了結婚啟事。
婚後，胡婆婆生了4個兒女，然後因為不想再生，所以決定割輸卵管，更指：「人哋係興紮輸卵管，我同醫生講我要割輸卵管，我唔想宮外孕。」期後，婆婆的10個朋友更跟隨她的做法去了絕育。
「賭錢係老竇教，飲酒係我教」
胡婆婆除了思想前衛外，教育兒女更有一套獨特手法，兒子Paul表示爸爸媽媽一早就教他們打麻將，十三張，讓他們接觸這些事物，不要到長大時才知好玩有趣，然後沉迷下去。
Paul續指覺得爸爸是最幸福的人，因為爸爸在老人院養病時，胡婆婆每天都會去陪伴他5至6小時，又因為經常扶他，導致腰骨愈來愈彎。
「人生就係咁嚟」
逃過戰亂但敵不過歲月，先生和朋友差不多全部過身，胡婆婆對兒子說：「希望你老竇快啲接我走。」而記者問到胡婆婆有沒有不開心，婆婆說：「冇，人生就係咁嚟。」最後，婆婆用了一句說話來總結自己一生，就是「不枉此生」。
（全文完）
常見問題：
問：婆婆年紀老邁，沒有FB和IG，方東昇如何尋人？
答：方東昇先到胡婆婆朋友鋪頭，再上網尋找資料… 詳情請睇
問：胡婆婆除了割輸卵管、教仔女飲酒賭錢外，還有甚麼前衛思想？
答：胡婆婆在盲婚啞嫁的年代已經實行自由戀愛… 詳情請睇
推薦閱讀：
😊 為生活增值 Like 👉有線生活FB
💪 睇健康貼士 Like 👉有線健康FB
🔔 接收最新生活資訊 follow 👉 有線生活IG @icable.life
