一線搜查｜市面湧現問題餅卡　收到餅卡換唔到西餅？　餅店：冇售賣紀錄

年尾是結婚旺季，喜宴接續不斷，傳統上女家派發喜帖時會附上餅卡。不過有觀眾向《一線搜查》報料指收到懷疑假餅卡，未能成功兌換產品，而《一線搜查》在追查下發現原來並非單一事件，更有多名消費者湧至涉事連鎖餅店的社交平台投訴。

觀眾Karen（化名）表示，早前收到數張餅卡打算兌換生日蛋糕，怎料職員指其中一張餅卡未能使用。「當時個職員話有時啲餅卡係過唔到機，但過兩日又過到。」餅卡所屬的麵包公司在香港有接近100間分店，於是Karen前往第二間分店嘗試兌換，惟四間分店均指該張餅卡無效。Karen一氣之下致電客戶服務熱線查詢，對方核對餅卡編號後直指未有登記，更著Karen向親友拿取購買收據。

不過，原來這並非單一個案，有其他消費者在該公司的社交平台專頁留言投訴。「你哋同學話我有張飯卡唔用得，話冇紀錄。你哋賣時員工出錯，竟然由個客去承擔後果，下次唔夠膽買你哋餅卡了，好冇保障。」、「你哋婚展賣嘅餅卡用唔到，網上非常多人有同樣情況，可否請你哋解釋下？」、「呢張餅卡係冇過期，同店餅卡一樣，原因係搵唔到個條碼。我用嘅時候話失效，我冇可能每張餅卡紀錄是誰送，也不想令朋友尷尬。」

Karen該張兌換失敗的餅卡編號為「133」，到期日為2025年12月31日，表面上與其他餅卡無異。攝製隊再嘗試兌換但仍然失敗，沒法「過機」，職員就解釋指該餅卡未激活，因此沒法使用，並著攝製隊留下聯絡方法再處理。職員：「133開頭嘅全部都唔得，之前有個呀叔個號碼同你哋一樣，可能呢一批係未激活。（記者：知唔知點解？）暫時唔係好清楚。」

事隔一日，職員再致電跟進，指每張訂單都有紀錄其編號，惟檢查下發現該張禮券未曾售出，因此沒法接收該餅卡，「要問返朋友，係經我哋官方渠道買，定係其他途徑購買。（記者：如果係其他途徑，係邊到可以買你哋嘅餅券係用唔到？）有啲客人可能係拍賣交易平台上購買。」

翻查有關拍賣交易平台，發現有不少人出售該店餅卡，並將原來面值50元的餅卡，減至42元放售。攝製隊聯絡當中數名賣家交易，對方均坦白承認是在婚紗展以折扣價大批購入再轉售。而他們所售的餅卡過期日均為2027年底，攝製隊隨後亦成功在餅店內使用。

消委會回應《一線搜查》查詢時表示，不會評論涉及個別商戶的投訴，但指在今年首11個月，總共接獲85宗涉及禮券或現金券的投訴，涉及總額超過8萬元。

而涉事連鎖餅店回應就證實有個別顧客的餅卡失效或沒法使用，但未有進一步透露原因及宗數，僅呼籲顧客應透過官方途徑購買禮券或現金券。

《中國海外呈獻：一線搜查》HOY TV77台
播出日期：逢星期一至五
播出時間：20:00-20:30
78台 22:30重播
WhatsApp報料熱線：68960931
節目重溫請＜按此＞