Pokémon GO｜黎青龍「唔使諗」贊助四分之一月薪 支持電競比賽：笑佢哋嗰個先傻
【有線新聞】16歲男生「蝦皮」鄭業楷在手機遊戲Pokémon GO世界錦標賽奪得冠軍，成為首位贏得這項賽事的香港人。昨（22日）獲前領隊張樂行撰文感謝的肝病權威黎青龍教授，今早在電台節目中透露，轉任榮休教授後薪金減至約4萬元，換言之贊助1萬元，已相等於他月薪約四分之一；他又表示支持電競比賽，「我覺得佢哋傻啊，笑佢嗰個。」
黎青龍接受商台《在晴朗的一天出發》訪問，指自己不認識「蝦皮」鄭業楷，只曾和前領隊張樂行見面，稱將來和「蝦皮」見面時會「請佢食嘢」，並想對他說「多謝佢咁努力」。
被問及張樂行去年找他贊助時有何想法，黎青龍指自己都非常喜愛Pokémon GO，「唔使諗，班細路仔無人工無錢，咁我梗係畀佢啦」，於是到瑪麗醫院的自動櫃員機「過數」，卻被張樂行誤會他「跑」去銀行。 黎指轉任榮休教授後，薪金被減至4萬元，但直言贊助一萬元「唔係好多」。
至於去年日本的比賽，黎青龍憶述曾鼓勵對方「即使唔贏都無所謂，無人期望你一比賽即刻贏」，結果經過上屆比賽，今年終取勝，黎坦言「我都唔知幾開心」。
張樂行昨日撰文提到，在尋找其他人贊助時被取笑，黎青龍直言「我覺得佢哋傻啊，笑佢嗰個。唔係同人賭博，畀小朋友鬆馳下都好啊」。對於社會仍有家長對「打機」抱負面態度，黎指現今世代「個個人都睇部機，我唔信佢哋無睇」。他又表示，如果有其他學生找他贊助參加電競比賽，都會支持。
