政經CHAT|曾俊華讚「鄧謝配」真情流露 指「比起獎牌更令人喜愛」
![政經CHAT|曾俊華讚「鄧謝配」真情流露 指「比起獎牌更令人喜愛」](https://icable-prod.s3.ap-southeast-1.amazonaws.com/wp-content/uploads/2024/08/05001659/09-1.jpg)
【有線新聞】港隊目前在巴黎奧運獲兩金兩銅佳績,前財政司司長曾俊華今日(4日)在社交平台發文,指為「劍神」張家朗及「香港女飛魚」何詩蓓再次奪得獎牌而興奮莫名,同時被「鄧謝配」這對老拍檔的真情流露深深觸動,亦對江旻憓受傷的處境感同身受。
曾俊華表示,過去一個星期繼續浸沉在奧運世界,相信大部分市民亦與他一樣,為張家朗及何詩蓓再次奪得獎牌而興奮莫名,認為是兩人在過去3年的艱苦訓練得到回報。然而最深深觸動他的,是羽毛球混雙拍檔謝影雪和鄧俊文在比賽完結後,奪眶而出的眼淚,形容是他們胸口壓力釋放後的崩潰,以至對老拍檔不離不棄的感謝同支持。而在比賽前一個月,謝影雪更確診類風濕關節炎,病發時一度痛至手亦沒法舉起,「其實我真係好佩服佢,最後可以克服呢個病帶來嘅痛楚,再次拎起球拍,喺羽毛球場上,快速走動同扣殺。」
![](https://icable-prod.s3.ap-southeast-1.amazonaws.com/wp-content/uploads/2024/08/05001738/453612323_17932936148879761_3114338304410995311_n.jpg)
雖然兩人最終止步八強,不過曾俊華說,雖然他們沒有拿到任何獎牌,但在他們身上看到了運動員的堅持及奮鬥精神,兩個人真情的流露,「比起獎牌,我覺得更加令人喜愛」。
他又提到在女子重劍個人賽中奪金的江旻憓,指對方兩個膝頭均先後斷過十字靭帶,「佢都係要忍痛,做完手術之後,仲有大量復康物理治療同訓練,先至可以重返最高水平嘅劍場爭鋒」。曾俊華指,自己作為一個前劍擊運動員,大腿後肌亦曾經受傷,「每次都要先走去trainer房嗰度,浸熱水半個鐘,浸到隻腳好似煮熟咗嘅龍蝦咁,但係的確可以幫助舒緩肌肉,然後做好多好痛苦嘅拉筋,跟住就要喺曾受傷嘅位置綁住膠布,縛好先至去練劍。仲未完㗎,打完劍,就要撕去膠布,老老實實,真係好鬼痛,乜毛都扯甩晒,跟住又要再浸熱水、冰水鎮靜肌肉」,因此對謝影雪及江旻憓的處境感同身受。
![](https://icable-prod.s3.ap-southeast-1.amazonaws.com/wp-content/uploads/2024/08/05001813/453235438_815463990691309_5742440758865486730_n.jpg)
曾俊華續說,痛還痛,但是在運動場上,渾汗同比拼產生的安多酚,帶來的喜樂及亢奮,「又會令你好似上癮咁,痛極都好,轉頭又會再踏上劍場」。他指,單單巴黎奧運會已經有過萬名運動員參賽,他們每一位「不論係攞牌嘅頂尖運動員,抑或係跳水失敗 ,L型入水只得兩分嘅選手,佢哋同樣花咗好多好多時間去訓練。如果將所有運動員嘅訓練時間加起嚟,一定係個天文數字」。他又說,「做運動員嘅,除咗講天份、刻苦、堅持、訓練,其實都仲要加埋一種偶遇同運氣。
最後,對於張家朗說自己的得來的佳績是前人種下的樹,曾俊華笑言「有份種樹老劍手包唔包我」。