網絡熱話|有屋邨智能廚餘機疑爆滿 食物殘渣膠袋堆積如山 亂棄地面
![網絡熱話|有屋邨智能廚餘機疑爆滿 食物殘渣膠袋堆積如山 亂棄地面](https://icable-prod.s3.ap-southeast-1.amazonaws.com/wp-content/uploads/2024/04/11220513/55.jpg)
【有線新聞】垃圾徵費將於今年8月1日實施,政府一直鼓勵以智能廚餘機收集家居廚餘,目前全港共114個屋邨設有廚餘機。不過,近日有網民在社交平台上載照片,顯示有屋邨的智能廚餘機疑爆滿,十多袋裝有廚餘的膠袋更堆放地面,有市民擔心衍生衞生問題。
根據照片可見,一個個盛載食物殘渣的膠袋,在智能廚餘機的膠板位置堆積如山,另有十多袋膠袋更被人亂棄在地面。
樓主在文中形容智能廚餘機「食滯咗」,引起不少網民討論。有人擔心引起衛生問題,指「之後又多鼠患」、「米老鼠表示,今次飽啦」;亦有人認為目前全港智能廚餘機數量不夠,「咁大條村得一部機,點可能夠」、「應該政府地方都要設廚餘機,如:學校、醫院、公園、警署、消防局、所有政府物業都要大量加裝廚餘機才掂」。不過亦有人猜測是否有居民不懂得使用,「係咪冇卡打開門?」「睇到啲市民好有心想做回收,起碼叫成袋廚餘拎咗過嚟掉,只不過係佢哋唔識掉入部機裡面啫。」