網絡熱話｜長沙灣米線店開業不足半年暫停營業　「霸氣」告示遭網民斥晦氣

【有線新聞】市道轉旺不似預期，不少食肆捱不過先後離場。其中長沙灣一間米線店開業不足半年便宣告暫停營業，有網民在社交平台分享其「霸氣」告示，形容「執得咁晦氣」。不過有網民則認為半年便結業很可惜。

根據該網民上傳的照片可見，該米線店已於3月29日暫停營業，門外張貼了告示，指「內部裝修、外部裝修，全部都要裝修。至於會否重開？幾時重開？真係唔知道！總之開到就一定開，開唔到就唯到此為止，一切隨緣」而文尾亦有感謝食客的支持。

樓主指該米線店開業不足半年就結業，更形容對方結業告示寫得非常晦氣。有人就留言稱「晦氣？唔覺喎，幽默吓啫」、「冇覺得晦氣，只感到無奈」、「開業已經難得。結業更不容易」、「應該係資金流出問題，好可惜！」。

另外，亦有人認為現時的店家沒有「守店」的概念，引起不少網民討論，有人反駁指「守一年起碼50萬」、「點守？樣樣都係錢，個個月都蝕」、「祖先剩落嗰啲先可以叫守呀」。